今日考中文oral同西史~~~~~

今日總算係我喺考試入面得倒最大滿足感既一日，講番今朝先，我真係差啲起唔倒身，因為我尋晚係三點半先訓，破記錄，唔知今晚會唔會又破呢？仲有，我尋晚訓覺果時超好笑，我訓訓下無啦啦講野，跟住阿媽同我講話係咪發夢呀，跟住我就話梗係唔係啦，我同你講緊野嫁！咁喎，以上既野都係媽咪+爸爸既轉述，跟住我同佢地講，我真係有印象，跟住我諗我可能已經溫書溫到傻左，發夢都掛住，因為我係講學校既野，講番今朝，起身起得超痛苦，我隻眼係好攰,.........但都要撐落去，跟住番學校考試，西史，都叫識咁啦，我都唔想再去點計較喇........（雖然個成績出黎果時又唔係咁講........）但係交左啦，怨咩都冇用，跟住考中文oral，入到去，我本來係好驚嫁，但係見倒錢sir咁好笑容，突然間好似驚都唔驚下，好輕鬆咁，好似平時同人傾偈咁.......跟住朗讀啦，係散文黎既，之後佢冇講咩評語，就咁叫我去講短講，我講呢個爸爸既愛喎，參唔多咁既主題啦，跟住就講啦，嘩，估唔到我都可以出口成文咁喎，我見倒佢坐喺到，橋埋隻手，跟住好似好尊心咁聽，好開心呀！講完之後就到佢俾評語喇，佢話我好好呀！！！！！！！！！阿媽！我得左喇！！！！！佢問我係咪朗誦喎，我心諗乜原來咁易睇得出嫁咩.......跟住我就話係啦，之後佢話個朗讀好，跟住到短講，哈哈，佢話好好呀，佢仲叫我抄一次份稿俾佢....好開心呢！但係我就唔知道幾多分........因為我係企喺個黑版前面考，跟住佢坐喺參唔多個projector下面，所以我睇唔倒個分.......之後就放學啦，俾凌同學串喇.........跟住就番屋企，問羅婷我交左錢未，跟住討論完之後就應該係未，點算呀，我好驚呀，我唔知聽日miss關會唔會鬧我，又會唔會點，總之我真係唔想再有咩唔好既野發生喇.........

刊登時間︰2005-07-26 05:06 PM  [ 訪客留言(0) ] [ 編輯日誌 ] [ 分享至FACEBOOK ]