今日番到去又都係未排隊......嘩......勁熱囉真係，我唔明點解羅婷仲可以着件長袖既冷衫番黎.......
有問題嫁.....上到去之後都冇乜野做......又係發下呆咁啦......跟住上西史堂，都有少少好笑啦，不過
硬係覺得唔似以前咁開心咁......跟住就上數學，嘩......做果啲數真係.......冇野講囉......佢所謂既難
就都係好易嫁囉......真係唔知講咩好囉.....之後就猛做數咁做左兩堂啦，跟住上bio，哈，唔使問書
呀，好野，之後就同羅婷食飯，因為佢地都唔知全部去哂邊.....之後我地去左大快活食，哈，真係好
好味下喎都，跟住番到去，去左圖豬館，企左陣就打鐘喇，番到課室，麵包超人洽我同羅婷，哼，佢
似住自己高之嗎，成日都喺到話我地.....超，高得制呀......會好易跌親嫁！跟住佢猛咁整我地條辮，
又話要掉我地個書包去賴同學到........跟住我咪好驚囉，之後我就去搶番啦，點知佢又整我條辮！加
加埋埋都唔知幾多次喇！跟住衰左佢又怕o即喎，哇哈哈哈，咁我地咪甲手甲腳黎整佢囉，哇哈哈哈
哈，整我地丫拿，跟住仲攞佢書包，不過又俾佢見倒，跟住我地就逃亡左去次所喇，哈哈，之後出番
黎，佢又唔見左喇......跟住上中史堂，丸孖又問我攞紙巾，佢已經用左我兩包幾紙巾.......跟住佢仲
好自豪咁同我講佢用左耀榮一包，加埋有四包喇......咁喎......知後唔知點解我都有啲咳......哼，如果
係俾佢野倒呢，叫佢賠番湯藥費呀！跟住我地就睇紀錄片，係南京大屠殺黎嫁.......我睇到真係覺得
好唔開心囉......佢地啲日本人真係唔當中國人係人囉........咁樣虐待人地，真係超變態呀！我睇完之
後都過左幾耐先回復倒個情緒.......睇完之後，我真係感受好深嫁，因為我覺得以前既中國人，唔止
係受到其他列強既侵略，而且無論喺好多方面都係受到好唔平等既對待，我唔明點解啲人本人可以做
倒啲咁殘酷既野囉，因為如果掉番轉俾人殺既係佢地國既人，佢地會點丫？基本上大家都係同一樣，
都係有眼、耳、口、鼻，都係人姐，點解以前日本人就可以有權去虐殺中國人丫？我睇果時都有啲想
喊囉.....因為真係覺得佢地好慘嫁........之後miss yeung叫我地講感受，講完之後，佢又講，果時個氣
氛真係好嚴肅嫁，個個都好靜好留心咁，之後就放學喇，搵miss au，跟住就番屋企喇~
------------------------------------
mｙ ｆd仔s∼／／
