| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
|
|
今日真係超辛苦..... 
今日番學都一切如常，直到上bio堂......我係經歷左我生平最辛苦既一日嫁，咁當然就唔係因為我唔鐘意上堂啦，其實就係我上上吓堂，跟住突然間個肚超痛喎......跟住我冇乜點理佢啦，但係過左冇幾耐，我就痛到標冷汗，跟住成身都震哂.......之後又暈暈地，仲想嘔......咁我就同蘭蘭講啦.....佢唔理我....我真係心都淡......之後，我就自己一個人喺度狂震，狂標冷汗.....諗住會冇野啦....點知miss tseng突然間叫我起身答問題...但係我之前根本都痛到聽唔倒野啦......咁我點會識答喎......跟住就有好多好多人提我，咁我就勉勉強強咁講倒下個答案啦.....但係我都唔知我講緊乜，加上個口又震......跟住佢就問我係咪唔舒服喎......我就好勇敢咁樣話係啦，但係其他人就話佢地又唔舒服喎.......哎吔，真係衰呢！之後我成堂咩都冇聽過......筆記冇抄.....唉....好痛唔痛佢喺我上堂黎痛......搞到我咩都聽唔倒喇！！！！之後就落堂啦，羅婷唔知點解會知我唔舒服.......跟住佢走過黎問我點樣，之後我個樣就嚇親左佢喇.......因為好多汗......之後我就諗住同佢地出去食....但係就坐下算啦，點知落到去俾凌雲佢地知道左之後，就一齊甲功黎迫我去medical room喇.......之後羅婷仲好勇敢咁樣話陪我喎.......去到之後....又再一次俾人強迫喇.....今次就迫我上牀訓喎，我話會好樣衰......跟住就話唔會喎......都唔知有冇搞錯，咁我呢啲咁有強硬既就當然唔會話屈服啦，之後我就就咁''咁''住個肚，彎住腰坐喺到啦.......咁期間我就猛同羅婷傾偈喇，諗住可以冇咁痛，點知都係唔太得.......跟住就有個人走黎話問我使唔使請假喎，咁我又驚爸爸媽咪會唔得閒喎，咁咪話唔請囉......之後冇幾耐阿羅婷走左去次所，凌雲佢地番到黎，就黎搵我，跟住搞到好似探病咁......爭在未有花嫁咋.....之後佢地又迫我上牀訓........楊文惠仲話我上次都係咁迫佢......咁今次就要迫番我喇咩.......冇幾耐之後，有個校工走黎問我果時番唔番屋企，跟住我問佢乜唔係要家長接咩.....之後佢話唔係，點知講完之後就打鐘，冇得走........上到去之後，羅婷要看班，跟住佢就當我細路咁，話要搵人照顧我......之後就將我交左俾aa.........跟住就照顧我啦........之後我幫佢拎咁啲野，羅婷就話你而家病呀，點可以咁嫁？咁喎........之後我都冇理佢.......上中史堂果時，好鬼好笑.....笑笑下都唔覺得痛喇......哈哈，放左學之後，我完全唔同哂，咩事都冇喇，哈哈。番到屋企之後，我講左我個情況俾爸爸聽，跟住佢就話：「以後有咩事要即刻話俾老師聽呀，我一定會黎接你嫁。」過左冇耐之後，又話：「下次再有咁既事果時要即刻講呀，如果唔係暈左就弊喇！」哈，原來我今日晏晝既諗法係好錯嫁。嘻~
呀......咁就趁而家多謝下各位同學今日對我既關心啦下，咁都特別係羅婷啦，佢都陪左我成個lunch，都算係咁嫁喇，（其實佢猛咁要我表揚佢嫁....）唔，多詩佢啦........
刊登時間︰2005-09-01 02:04 PM [ 訪客留言(0) ] [ 編輯日誌 ] [ 分享至FACEBOOK ] |
|
« | 159 | 160 | 161 | 162 | 163 | 164 | 165 | 166 | 167 | 168 | »
|
------------------------------------
mｙ ｆd仔s∼／／
