發夢．．．．．  

今日發左個夢,而個夢係關於.......放榜果日。
個夢係咁既．．．
發生地點：學校既某個班房內
發生事情：派會考成績．．．即係放榜喇
發生經過：我唔知點解無啦啦會同幾個ｆｄ喺學校行，行行下，見到有個櫃，櫃上面放左幾疊會考成績單，我一望，就見到上面寫著一個人名，再望第二疊就見到上面寫著「石詠珊」（唔記得左係中文定英文喇）。之後唔知點解我就處身於一個班房，有個人俾左張成績單我，我一睇，見到自己有１４分喎，之後個老師就繼續派，一路讀ｄ人名，好似係讀果ｄ就升到，而當時就布好多人都得，我仲同個ｆｄ講：「嘩，我地班咁多人都升到喎。」之後我又唔知點解又有另一張成績單，上面寫著個英文名，但個名就好似我，只係最尾個字既串法唔同，但我又唔知點解我一睇就覺得係自己，仲以為佢係打錯，呢張成績單ｄ成績就清楚ｄ，每一科都知到個分，好似英文有ｅ，中文唔知點解兩份卷都係ｄ，但個分就變左ｅ，（其他科就唔記得左ｌｕ，不過我記得仲有一科係唔知咩，個名好鬼長，但喺現實係冇呢科，個分又係唔記得，我果時仲諗：呢科係咩黎呢？我阿媽又唔知點解突然喺我身邊出現，又問我：呢科咩黎？我冇答佢，仲繼續諗呢科咩黎）之後我就諗，我咁多科都ｅ，都升到咩？仲有１４分添？
當我仲疑惑緊既時候，我醒左。
唔知係咪我呢排成日諗呢，搞到我連發夢都諗緊。唉．．．希望真係有１４分喇

 幾時出版: 2005-07-24 08:11 PM     
                                                       
                                                            [ 訪客留言(0) ] [ 編輯日誌 ] [ 分享至FACEBOOK ]

 熱死喇  

好熱既一日．．．．．
　　　　就熱死喇！！

 幾時出版: 2005-07-24 08:12 PM     
                                                       
                                                            [ 訪客留言(0) ] [ 編輯日誌 ] [ 分享至FACEBOOK ]

 好黑仔呀~  

今日一早就起左身，刷完牙之後就執下ｂｂｑ要帶既野。跟住１０點１０就出左去ｌｕ，因為要買ｄ零食同膠叉膠碟咁。
１１點４就開始搭７１Ａ出發，點知等等下，竟然見到郭sir喎。
１１點９我地就去到火車站，但係我地約左亞鶯、鍾苑婷、李愛玲同劉龍１２點，所以我地就上左去新達，我地仲探埋陳慧儀添。
到左１２點左右，人齊啦之後我地就去左搭火車去上水。到左上水就搭小巴去蝴蝶村。
到左蝴蝶村，我地就去揀ＢＢＱ既野食。揀完就出發去蝴蝶灣。
到左蝴蝶灣，換左條短褲，就去左沙灘度玩。個太陽好曬呀。我地首先玩左開口中，點知成日都輸，冇次嬴，俾人噴濕晒，勁無奈ｌｏ。玩完開口中就玩閃避球，好彩今次贏左，有得噴人。之後佢地話落水玩，但係我地幾個就唔想ｌｏ，費是整濕埋裡面果d la，不過之後我地都係咁易落一落水，我條褲就濕左一半。之後我地上番水，大家都買左個甜筒食，成$7.5一個，貴到死。之後亞鶯佢地上番水，又玩番開口中。唉，又輸過，又俾人射濕晒。
到左４點幾，我地開始搵爐燒野食。不過要等人送ｄ野食黎。等左好耐，都未送到黎。
咁我地就玩下數字球、馬騮搶球咁。玩左一陣，ｄ野食終於都送到喇。不過透左好耐爐都透唔到，仲要去買多舊炭精先得。
我地燒到９點幾，又玩一陣開口中，點知又輸，愈黎愈無奈ｌｏ。差唔多１０點，我地就執野走人ｌｕ。
番到富亨都未夠１１點，之後同左藍姐＆麥家慧去ｏｋ買雪條，見到１０蚊３枝大腳板，我即刻買啦，因為我勁鍾意食大腳板。哈哈．．
返到屋企１０點９左右，沖完涼就１１點２，啱啱好夠鐘聽鬼故，聽到１２點，本來諗住睇埋尋秦記先訓，點知睇左冇幾耐就訓著左ｌｕ．．．．

 幾時出版: 2005-07-24 08:14 PM     
                                                       
                                                            [ 訪客留言(0) ] [ 編輯日誌 ] [ 分享至FACEBOOK ]

 謝師宴既大日子  

今日就係謝師宴既日子喇！一早起身就好期待，好想快到５點幾呀。
４點９，我就出左去喇，但我好唔慣著條咁短既裙ｌｏ，有ｄ後悔買左呢條裙。
６點幾，我地就去到酒店喇，見到有ｄ人著到好似結婚咁，好誇ｏ者！
不過，ｄ學生一個一個咁黎，我就越黎越覺得自己好似參加緊一個婚宴咁，ｄ女仔個個都著到好似做伴娘咁，ｄ男仔就好似做伴郎咁打晒ｔｉｅ，搞到我地好似著得好ｃａｓｕａｌ咁，好怪。
到左１１點，謝師宴完ｌｕ，我地就搭車返去ｌｕ。

 幾時出版: 2005-07-24 08:15 PM     
                                                       
                                                            [ 訪客留言(0) ] [ 編輯日誌 ] [ 分享至FACEBOOK ]

 落大雨．．．．．．  

落大雨．．．．．．

 幾時出版: 2005-07-24 08:18 PM     
                                                       
                                                            [ 訪客留言(0) ] [ 編輯日誌 ] [ 分享至FACEBOOK ]