好唔開心呀  

今日由於我阿ｂａ唔使番工，所以一朝早就出左去食早餐。唉．．．都慣左架喇，每個星期日或者佢唔使番工都係咁：食完早餐，行下大中，如果係星期日就探完我呀(女麻)先行。我覺得好悶ｌｏ．．．根本就唔係行街，係陪我呀ｂａ行街，佢睇ｄ野都唔啱我睇．．．到啱我睇既時候，佢又好快走人，其實我寧願自己一個人行ｌｏ，雖然係悶左ｄ，但係我覺得陪人行街仲悶ｌｏ。
到左今日下晝，我呀ｂａ無啦啦同我講，要我讀大學，話咁出黎做野先有用，但我極唔同意ｌｏ，唔通讀大學．．．前途就一片光明咩？就算真係咁，咁你又知唔知我其實唔鍾意讀書，覺得讀書好辛苦丫？就算我真係鍾意讀書，咁你地又有錢俾我讀咩？而家淨係俾呀哥讀大學既學費，你地都已經有好大負擔，唔通我仲要加重你地個負擔咩？

 幾時出版: 2005-07-24 08:28 PM     
                                                       
                                                            [ 訪客留言(0) ] [ 編輯日誌 ] [ 分享至FACEBOOK ]

 ＜恐怖蠟像館>  

今日同左我兩個fd去觀塘既APM睇個套＜恐怖蠟像館>。呢套戲寅係名副其實既咁恐怖,再加上戲院D音響又勁,同埋戲院又黑,就令套戲更加嚇人,我都俾佢嚇左一跳呀。不過唔夠我果兩個FD勁,佢地俾套戲嚇到不斷喺度叫,藍姐仲張個百力支個盒禁貶左,真係笑到我笑笑下。哈哈哈．．．

 幾時出版: 2005-07-24 08:34 PM     
                                                       
                                                            [ 訪客留言(0) ] [ 編輯日誌 ] [ 分享至FACEBOOK ]

 考地理  

今日終於都考完地理喇，本來呢一科我好有信心架，但事與願違，收到份問題既時候，我已經好驚ｌａ，好似條條都唔識咁。Ａｎｙｗａｙ，這一切都已經成為過去，諗起只會令我唔開心，而且已經冇咩所謂喇。
今日我發現，識多ｄ朋友真係好ｄ架，喺我唔開心既時候，佢地都會安慰我。

 幾時出版: 2005-07-24 08:33 PM     
                                                       
                                                            [ 訪客留言(0) ] [ 編輯日誌 ] [ 分享至FACEBOOK ]

 考中文  

今日終於都考完中文喇.....初時我好擔心呢一科唔識架...因為我喺學校考mock既時候,中文份卷得果廿幾分,好驚到會考既時候考到咁。不過好彩今年份卷淺過以往果d,考完個心先冇咁驚咋。希望出黎既成績會冇咁差喇!!
不過,令我傷心既係...我隻眼好痛呀,又唔知咩事喎。好痛呀...

 幾時出版: 2005-07-24 08:31 PM     
                                                       
                                                            [ 訪客留言(0) ] [ 編輯日誌 ] [ 分享至FACEBOOK ]

 考完英文  

今日終於考完英文喇,可以鬆一口氣喇,唔使煩。不過黎緊仲有中文要煩呀...考中文果日真係唔知點好喇!!

 幾時出版: 2005-07-24 08:39 PM     
                                                       
                                                            [ 訪客留言(0) ] [ 編輯日誌 ] [ 分享至FACEBOOK ]