之前因為要測驗，所以好耐都冇打日記。

e排派左好多測驗卷，唔駛我多講，大家都會知我d成績係點，不過都講一d啦，中史我都唔知(果日派果陣比何sir捉左去，話我好多次冇量體溫，要抄書喎~抄到4點幾先走得)，數學就好小小76分(不過好唔小心，有幾題做，大拿拿冇左果幾10分，shit，灰到呀~)，中文都好慘~唔合格不過平均分就合格，不過又係冇用，英文唔合格，得36分，地理中慘，何sir出卷唔會易得去邊，世史中灰，上年話曬都好高分呀，不過景然唔合格，中有剪報得0分，唉~一個字講曬──灰。7科都派左6科，中有IS未派，都唔會好得去邊la，一定比袁sir『祭棋』，死硬!

心情唔好，中比果個死人莊建民寸，佢個死白痴仔，打機唔夠我打就話我係肥料，同佢講賭一百蚊，睇下邊個輸，不過佢又淆春曬底咁，死淨把口，WTF!

放左學，冇去柴公練波，去左net仔打機，打左34蚊打機，打果陣都冇心機，一諗到我5科唔合格就咩都唔想做，之後見到鐘耀輝，原本佢又有玩亂，同我一個學園，不過佢一個任務都冇做過，我比左我寶貴既半個鐘頭幫佢搞掂曬全部，中冇收佢果半個鐘錢，我真係好好人(我都覺)!

返空手道果陣講比我師傅知我d成績，不過比佢話~灰(佢之前又係讀文理)。上堂果陣雖然唔想練，不過為左要升帶，所以就好比心機咁練(唔可以令我d女支持者失望!)。

打住咁多先!

PS:唔好話比我屋企人知我d成績，佢地唔知，多謝合作!如果我呀哥知到左，我一定知到係邊個講!