人地架新款積架，我睇見到流口水，一個字：「真係好撚靚！」
我o個架94施域改到曉飛都唔夠佢型，何況我連部CD機都冇換…(94年款，07年買，都有得入CD既)
我驚佢坐唔慣姐，人地依家唔同，仲同我捱咩？可能搭的士仲好坐個我部車。
我?架車去佢o個邊，去到o個個500米外既電話亭，我已經見到佢…
4年喇！4年冇見過佢真人！感覺煥然一新！再唔係讀書o個陣樸樸素素牛仔褲T-Shirt，
佢今晚著左件黑色跌膊連身短裙，紫色Bra帶引死人，同對紫色高?鞋真係首尾呼應！
髮形都唔同左，時間多有錢多，深棕色既陶瓷曲髮，真係正…
(窮人成日抱住染得唔好side，柒咩都係咁多錢，成個頭漂金丫唔該！)
夜欄人靜，都咪話唔引人犯罪…

我：快D上車！
佢：唔使咁驚喎！佢今晚飛左去台灣…
我：下？後日就結婚都仲要出Trip？
佢：佢屋企人係台灣人，佢過去準備第二站婚宴…
我：哇！擺兩地酒？
佢：冇辦法啦…佢o個邊個婆婆90歲，搭唔到飛機…
我：咁…不如直接上妳度啦！
佢：哈哈哈！咁等我收賣D工人先…
我：可能佢地會用今晚黎脅持妳一世！
佢：大不了咪抄左佢地囉！哈哈哈！！
我：哈哈哈……真係講得易…我地去邊好呢？
佢：不如爬入屋丫！
我：痴線…俾人見到隔離個新婚娘子同個姦夫爬入自己屋…真係講足十年…
佢：咁去東望洋山丫！
我：呢個鐘數上去，成座山都搖緊…
佢：咁點呀！
我：妳想見下我姐！邊度都得啦…
佢：咁…
我：去德成食宵夜丫不如！
佢：德成咁污糟…又咁多人睇波……污煙漲氣…
我：去些粉買D野，然後落石排灣喇！
佢：好喎！
我：妳都係想咁姐…

阿儀坐響我身邊露出一大截白滑美腿更係令我集中力減半，太誘惑喇！
好可不容易到目的地，我地就拎埋支紅酒同花生落沙灘…
黑蚊蚊冇開燈，車上面淨係得開酒器冇杯，我地冇避忌咁一齊飲吹支紅酒，
幾啖落肚，開始真情告白，我先知佢約我出黎既目的。

儀：其實當年我真係好憎你！
我：點解呢？
儀：我早就知道你同個女仔有路！你仲扮哂大仁大義想我搵頭好人家啦！
我：咁妳都知道，世事都俾妳睇哂喇！
儀：所以我留響度都冇意思，唯有順你意…我邊一次唔順你意？
我：冇計啦…我決策能力強嘛…
儀：哼…
我：咁講真，做少奶奶好唔好先！？
儀：OK啦！不過佢好悶，又唔幽默，又冇D創意…
我：咁抬舉我？
儀：係佢特別悶姐
我：同我一齊開心嘛？
儀：唔開心就唔使咁煩！
我：開心好煩？
儀：會成日諗番以前…
我：唔………都四年啦…
儀：我以為自己可以淡化。
我：我OK呀，淡化左！
儀：哼！你呢個情場騙子！騙子！！！！
我：搵餐晏姐…
儀：朋友B話所有女都俾你「食」哂啦！
我：佢呃你姐…佢先係高手高高手
儀：你地D男人個個都一樣！
我：朋友A唔係。(想知道邊個係朋友A、朋友B，不妨睇番舊作)
儀：總之你地個個都係呃女仔！
我：我幾時有呃妳呀！我將最好o個幾年俾左妳啦！
儀：係我最好o個幾年呀！！！！！！！！！！！！
我：得得得，唔使咁多感嘆號…知知知
儀：一個女人有趣幾多個18、22？
我：36有兩個，44又有兩個…
儀：哼！就係你呢個騙子呃左我個18同22！
我：對唔住囉…
儀：所以，我要響結婚前同你找數！
我：我賣埋架車都係得三四萬乍喎…
儀：情債呀！
我：點還先？
儀：同我拍番一日拖！
我：哇…咁益我……？

其實講到呢到已經好有斷尾ge  feel...大家有時間幫諗埋落去啦~"~