聖誕節,應該普天同慶
如今發生呢個慘劇,我懷疑緊我適唔適合再做聖誕老人…我到底有什麼資格帶比人歡笑
或者……我做一個自由自在既阿伯,比做聖誕老人更適合/ . \
我…我除左頂聖誕帽,或者…我唔係艾倫要既聖誕老人….唔係土人要既聖誕老人
剛除低頂帽..
有兩個受傷既土人指住我 :「你做咩呀聖誕老人，我地相信你 !」
其他土人都一個一個咁醒返
「我地相信你架 !」
「我地相信你班小鹿 !」
「我地相信聖誕節 ! 我地相信聖誕老人! 」「我地相信聖誕節 !」「相信聖誕老人 !」.........
班小鹿都醒返
「出發喇聖誕老人 !」
我望住佢地期待既眼神,對聖誕既支持
我眼睛漸紅 :「多謝你地」
呢個時候,John比左個信任既眼神我 :「唔洗講野」
跟住我唔敢再講野,
舉起雙手,將祝福送比大家
再拍拍鹿車,揮手示意班土人上車再完成環遊世界既心願
然後,我指著周圍既長頸鹿,斑馬,大象,示意佢地過黎
John微笑 :「將快樂帶比所有人!」
小鹿們 : 「好!」
所有動物點頭
當日,我地就坐住一架由八隻小鹿同好多動物一齊拉既鹿車,
由非洲中部既陸空路出發,開心愉快咁一直向荷蘭前進 ..
這就是快樂的泉源,簡單,純真.....
突然,John回頭,神色一變 :「吊 ! 後面隻象又抽筋呀!」
|
