今日第一日測驗
朝早起身果陣...發覺遲到了
唔係第一堂測咁我就慢慢返去
返到去人地都係集緊會
我遲到記完名之後
應該就可以返埋隊或上去課室
但係唔知點解佢要我地遲到d人企一陣
一陣之後重要帶我地去校務處門口企
一個一個入去比訓導話
好彩我唔係遲到得多
講幾句就走得^^
返到上課室
老師幫我地溫習返之前d野
重教我地點樣記一d平時唔會記既野
我覺得學左好易記
本來我識中文唔識英文
學左唔洗死記
到左測驗果陣...
睇見一次過要測 化學,物理,生物三科
真係有d怕怕(知道自己寫字慢)
我一做就做曬d短題目先
可惜做完短題目...剩下幾題長題目
我又唔係好識-.-
寫左幾隻字就夠鍾!
唉...算啦...怪就怪自己寫得慢啦
測完驗應該放學
但係有西史同埋英文補課
本來十一點幾放左學
補課攪到我一點幾先走得
補完之後自己返屋企(做d平時做既野)
|
