Yeung Yeung Blog
埋o黎埋o黎有o野睇！
ahyeung : 個人主頁 - 相簿 - 訂閱  [ QOOZA - 論壇 - 登入 ] 人氣：3482
ahyeung
暱稱： 阿樣
性別： 女
國家： 香港
«‹ August 2025 ›»
SMTWTFS
12
3456789
10111213141516
17181920212223
24252627282930
31
最新文章
•我要同陽光玩遊戲~
•Let's go dancing!
•復活節快樂！
•我有BGM喇！
•三珍媽媽壽宴
文章分類
•全部 (8)
訪客留言
最近三個月尚無任何留言
每月文章
日誌訂閱
尚未訂閱任何日誌
好友名單
尚無任何好友
網站連結
尚無任何連結
最近訪客
最近沒有訪客
日誌統計
文章總數： 8
留言總數： 26
今日人氣： 5
累積人氣： 3482
站內搜尋
RSS 訂閱
RSS Feed
2007 年 3 月 3 日  星期六   晴天


英倫腸粉回歸記 分類: 未分類

no more 韓雨襲港喇 ！咁耐冇郁過個blog， 我差 d 連自己log-in同個 password都唔記得呀！試o左一陣先上番o黎, 好采~~~

我真係好鬼懶呀，越o黎越懶，自己都頂自己唔順，條大腸走o左就o黎成個月，而家要記番低之前o既日記，真係好鬼難！

大家估o下呢個鬼婆係邊個？咪就係英倫大腸囉！

       

同以前有咩唔同？再睇相吧！右邊係4年前影o既，答案就係冇唔同，因為我同阿梁依然都係咁後生！

   

記番起阿梁落機o個日，我仲係返緊崇拜。崇拜完o左之後，剛剛同團友仔講起阿梁，殊不知條大腸就o係基真門口出現！真係嚇我一跳，原來係得啖笑∼興奮o既心情簡直難以言喻呀！Cheong, You're back~~~~闊別o左一年多o既腸粉終於凱旋歸來喇！眼前o既鬼婆猶如帶o左新發明o既大眼con一樣！隻眼本身已經鬼咁大，再加上英式o既化妝，過往o個條香港大腸，已搖身一變成為o左英倫大腸，不禁輕嘆一句，阿梁你大個女喇！

由於成年幾冇見，我興奮o既心情不能夠一下子谷出來，心裏面盤算住究竟阿梁o係返o黎呢短短兩個禮拜裏面，有幾多日可以同我o地呢班老朋友聚一聚呢？心裏面亦急住想同阿梁重遊番昔日令人懷念及回味o既地方~~

阿梁今次返o黎果真行程緊密，佢自己都話今次唔係個個朋友都見得o到。幸好條大腸都同我見過幾面。有一日佢同麵包、kevin同阿mark上o黎我屋企拜年啦，又有一日我同佢去旺角掃貨，而結果都係一如以往，滿肚而歸！閒談中，阿梁同以前都係冇變，仲以為佢肯定未適應番講廣東話，誰不知母語仍然流利，仲講得好到肺！佢話返o黎其中一樣最開心o既就係可以暢談廣東話！

開心o既時候過得好快，又係時候講拜拜。我同阿梁最尾o個次相聚就係佢臨上機前一晚，我和小學同學有個約會。人雖然唔多，但係就好warm！What a 合皮的一晚！

阿梁今次來去匆匆，可能又要等一年後先見loh∼ 廿幾年o既好朋友，咁就走o左，初初真係唔係幾慣，好采仲有蕉太郎陪o者，否則真係悶死我呀！當然亦好采仲有好多基真老友陪伴！有時諗番起其實自己個朋友圈子真係好鬼窄，係咪係時候要出去闖闖識番d新朋友呢？轉工都好喎，呵呵！

腸粉，希望你可以o係夏天再返o黎啦，到時真係要好好plan o下，做多d好玩o既o野，見多d老死！Waiting for you~~~

 

 

 
發表時間：2007-03-25 10:18 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 1 月 17 日  星期三   晴天


韓雨襲港 疑惑 分類: 未分類

“貞 is coming down to the concert…….” 相信鍾意阿rain o既人，都知道我唱緊乜鬼！o係1月12日，韓雨再一次襲港，本來諗住今次無緣再見o到雨哥o架喇，但係o係渴慕見o到型男o既驅使下，我又忍唔住四圍去搵飛喇！

 

其實o係網上公開發售演唱會飛o個日，我已經放棄唔上網睇喇，基於上一次個訂票電話打極唔通，個網又上極都上唔o到，今次肯定好難買啦，又唔想之後請假去通利排隊喎（我始終唔係超級粉絲！）但係正如小芳防所講，每次o係地鐵見o到rain張poster，就會好後悔點解唔去撲飛，心有戚戚然…後尾聽我細佬講，好多時臨開場前肯定會有人放飛，所以特意叫細佬幫我搵，結果黃天不負有心人，終於o係演唱會開始前幾小時，畀我搵o到兩張飛！仲要係原價值$780一張，而家割價$500 一張！O Yeah！不過開心冇咁早，o係危急存亡之秋，搵唔o到人陪我去，確實割價後都係好貴！腸粉，如果你o係香港就好啦，我一定拉您陪我去！

幾經辛苦，有幸o係臨放工前搵o左同事黃珍珍一齊去！多得黃珍珍慷慨解囊，我先可以一睹雨哥o既風采，真係好多謝您呀！！！！

成個concert歷時兩粒鐘，但係一d都唔覺，時間過得實在太快，500蚊亦用得好快！雨哥今雲跳舞勁o左、講英文又強o左，好驚喜係佢今次用o左幾個新鬼妹dancers，跳得好鬼正！令黃珍珍睇得最合皮o既就係個舞台設計，Background播o個d片呢，好有型、又好靚，正如黃珍珍所講，好似睇緊外國演唱會咁！雨哥今次好有心思，大耍醉拳，迎合中國市場，又成日用d鬼馬眼神o黎 ‘lum’女仔，keke….

Background video 大玩 old school 同 捽碟，好美國feel!

      

 

仲有其他色彩斑爛o既background！好靚呀！！

   

 

       

 

呢個background好得意o架，佢個頭會係咁轉∼

 

當然唔少得係佢o既close-up相啦，好型仔！

 

   

 

跳得好勁呀！

 

Rain with wings~~O good!!!!

 

   

今次個演場會畀我o既感覺同上次唔同，上次第一次見佢，興奮到博晒老命咁嗌！今次反而係靜心欣賞！各有各high！阿蕉成日話我淨係睇肌肉，其實邊係o丫，又唔見我鍾意睇洛奇？咁人o地真係好鍾意睇d勁人跳舞同唱歌o架嘛！

 

雨哥您要加油！se7en都係....kekeke

 

 

 

 

 

   

 

 

 
發表時間：2007-01-17 02:10 AM  [ 訪客留言(1) ] [ 編輯日誌 ] [ 分享至FACEBOOK ]


2006 年 12 月 27 日  星期三   晴天


恐怖蠟像館 驚訝 分類: 未分類

好o野！我終於都可以的起心肝寫blog喇！揀o左好耐先至揀用QOOZA呢個blog，我仲未知係咪好用，但係用落d function就好o岩我呢個電腦白痴喇！好o野！

前日係聖誕節，朝早返崇拜，下畫冇計劃到去邊，節日'流流'，梗係要去玩o下，於是同阿蕉走o左去蠟像館，本來想搵多d人去，開心d嘛，但係個個都有節目，咁就唯有兩個去啦。（無人楂機添....keke)

其實之前都好想去o架喇，最想同郭富城影相，話晒係兒時偶像，諗起都興奮！

到達蠟像館，廢話少講，去相先∼

首先見o到楊紫瓊，都幾似！

　

歌手雪兒原來係咁高o架！

名模黑珍珠比我想像中冇咁高，外國人d 眼果然係大隻d！

　

特意為阿梁加番城城呢張相！

 

去到哥哥o既蠟像，氣氛頓時變得好莊嚴，原來哥哥咁高個喎∼

戴妃好靚呀，神采飛揚，佢好鬼高，我gut高隻腳都仲差成截遠！

阿蕉第一次做皇室人員，神氣非常！

 

倫勃朗遺失畫作之「精靈俏女巫」絕密公開！

阿蕉同侯賽因之間一定有不解o既仇結...我都唔示弱，cool番o下先~

 

真係難怪黎明d粉絲話唔似o架，黎明的確肥o左又黑o左，睇落成個劉凱威咁，嘿嘿！

我發覺同親裴勇俊影相o既女士都擺出一副好'lum' o既樣，當然我都唔輸蝕...keke，扮一扮崔智友，佢真係好高大威猛！

 

呢個如果唔係蠟像呢，阿蕉就肯定會殺死我o架喇，呵呵呵，華仔好型，現場睇仲型仔！

阿蕉呢張相影到好似好想隊lum老虎仔咁，嘩嘿嘿！！！

我同阿蕉竟然有幸同Tina Turner同台演出，阿蕉o個張真係不得不post，佢o係屋企練習多時o既尊達拉華特o既舞姿終於可以大派用場喇！笑死我...

　

百二蚊確係值！其實仲有好多相冇post出o黎，我o地o個晚都玩o左2個鐘頭，最好采係部相機ｏ係影到最後先至冇電。

影完相之後同o左阿蕉去花園餐廳食o左個大餐，很快樂的一天！
發表時間：2006-12-27 02:15 AM  [ 訪客留言(8) ] [ 編輯日誌 ] [ 分享至FACEBOOK ]


« | 1 | 2 |