唉~幾個月冇上o黎喇！其實之前有好多o野想記低，不過呢兩個月身心極度疲累，返工返到人都顛，燥狂上司不斷挑戰我o既EQ能耐，大堆頭煩厭o既工作又迫到我抖唔o到氣，好辛苦呀，真係好想走呀！走啦，走啦(我知我係得個講字)，暫且走去海灘抖o下氣先~之後再plan o下點打算！

今日咪就係o黎o左海灘囉，yeah！我要放低一切，盡情同陽光玩遊戲！正值我好想搵一個星期日走去戶外鬆一鬆之制，河馬夫婦同史力珍邀約我同阿蕉去黃金海岸游水，nice！我豪不猶疑咁就應承o左，仲幫阿蕉應承埋...誰不知，阿蕉話有鯊魚...話去泳池...o no...different feel, right? 經過我一輪發爛渣之後，okay！！可以出發！

呵呵呵，五星戰隊終於齊集，今日天氣超級酷熱，大家都不約而同著上心愛o既涼鞋，簡直係未出發，先興奮∼去到沙灘，相信達130度 o既太陽油都頂唔蒲，熱到你呢，於是何ming匆匆去租把太陽遮∼原來插遮都講求一定o既技術，我o地係新手o既緣故，結果用上好多分鐘先攪掂，而我相信我d泳衣印就係o係o個時曬番番o黎o既...o no....

熱就熱d，不過有瓦遮頭之後，就feel o到d海風吹過o黎，um~好正呀，確實係冷氣都不能媲美，大自然真奇妙！

其實我同阿蕉都好支力，只係想曬曬太陽吧，於是我o地先看檔，河馬夫婦同阿珍同鹹水玩游戲。

享受著海風及陽光之制，冇o野做梗係要影番d低能相先啦~

先o黎一張睇毛前後o既相，kawaii 爹~相信我同阿蕉都屬唔駛一世窮o個類~lol，再o黎一張情侶合照，係戶外郊遊o既指定動作！

遲來o既史力珍亦加入拍照o既行列，大家睇o下，史力珍幾清秀∼下一張扮曬太陽o既相有兩個敗筆，一個係史力珍忍唔住笑，另一個係臥下o既我頓時變o左郭晶晶o既身材~

再來一張背光o既沙灘景色，帶著另一番風味~

雖然我同阿蕉都好支力，不過最後都有落水玩，水質雖然差勁，但係感覺好冰涼∼

當大家玩到好支力之制，再次係影相o既時候，有幾張相真係不得不post！

嘩嘿嘿，大家看到一個漸進嗎？咪就係越笑越開心囉，hohoho！

河馬夫婦呢一幅相，史力珍都不禁講一句：「以前o既何ming返返o黎~」大家留意o下下面，o個一個無風起浪(沙堆)就係佢自己竭力堆砌出o黎...低能到震!!!笑爆!

最後o黎一幅五星戰隊o既合照，齊齊整整，完滿結束！

What a 合皮的一天，期待八月半月灣之旅！

I wanna dance, wanna dance, wanna dance with you, you and you....but...有冇人得閒呀? 阿梁你o係邊呀? 你唔o係庶就冇人陪我學跳舞喇......

跳舞真係好好玩o架！真係好可惜細個o個陣冇機會學跳舞，而家幾廿歲先o黎學，筋骨硬到痺呀！熱身o個陣真係肉酸死，筋骨同體力都好似阿婆咁，只怪平時冇做運動，郁兩郁第二朝起身就會嗌救命，落床都成一個問題，返工更加慘烈...

Yeah! 終於又可以學番跳舞喇！自從前兩年同阿梁玩過一排，之後就冇學喇，一來貴啦，二來就係冇人陪。今次的起心肝學番，係因為好想趁自己仲後生，學多d玩多d，加上又有同事有興趣去喎，亂打亂撞之下，畀我搵o到竟然o係我老家長沙灣開o左間跳舞學校，o yeah! Let's dance!

計埋上個禮拜o個堂，我已經上o左兩堂喇！第一堂，同事Betty同我一齊上，初頭我o地o既心情好緊張，因為好驚跟唔上，確實課程對我o地呢d唔係跳開舞o既人o黎講真係唔容易...不過我唔會咁容易放棄o既！到第二堂，Betty唔再陪我lu，因為d steps確實難跟，佢prefer去工聯會學，於是剩番我一個...對我o黎講確實係一個好大o既挑戰，因為我唔係好識social(對陌生人會怕羞)，我好鬼怕一個人o架...但係又想學喎，於是硬著頭皮揀d 少人上d o既堂o黎上囉，hoho∼以下係上堂o既情況：

o係呢度學跳舞o既好處就係阿sir會錄影o架，錄完之後再send番畀學生溫習o下，呢d相就係o係條clip到capture出o黎，跳得雞手鴨腳o既當然係我啦∼戴帽o個個就係阿sir喇，佢真係跳得好鬼型！佢教得好好呀，我覺得佢係我以前見咁多個老師之中，教得最好o個個，佢講得好清楚同細緻，而且我跟唔o到，佢會慢慢教，好好！

上完堂之後，會有三隻超可愛貓咪跑出o黎玩，原來係跳舞學校創辦人養o架，真係得意到死呀！阿梁你o係度就好loh~

Yeah Yeah Yeah！ 我個部落格終於有BGM喇！呵呵呵，天才呀！真係不得不讚自己一下！ 我用緊qooza呢個blog有個缺點係BGM容量得o個2m，而且仲要限定音樂檔o既格式(唔可以用mp3格式)。通常d音樂檔都係mp3檔，加上一隻好聲d o既mp3都起碼要幾m以上，所以呢個問題一直都好困擾我，有朋友建議我上網搵d link 再連結o係個blog到，但係唔知點解唔成功，而且自己鍾意o個d歌又未必咁容易搵o到link...放假真係好，我終於有時間上網搵o下d解決方法，搵o左好耐，先揀o岩o左一d 壓縮音樂檔o既程式o黎用。好o野！以後我可以放我鍾意o既歌上o黎loh！雖然音質未必會好好，但係我已經好滿足喇！

近日迷上o左w-inds，死loh，幾廿歲先o黎鍾意，wahaha，我都唔知點解，近排聽完佢o地一首歌之後，就暈o左喇，死未！呢三個小朋友跳舞真係一流，真係好佩服日本d藝人，細細個跳舞就跳得咁叻，唱歌又夠氣，d歌又好聽喎，真係撞你個鬼，前排上網試聽o左某d歌之後，我就走去信和買o左佢o地一隻碟喇，嘩~~好好聽呀~~ 而家個BGM就係呢隻碟o既其中一隻歌，叫做 '四季 '，聽出耳油呀！

今日係復活節假期o既最後一晚，真係好唔想返工呀！

復活節去o左邊？大部份時間都係休息，返工實在太辛苦喇，難得有假期，自己身子又唔好喎，一定要好好抖o下！本來plan o左返舊屋影相，結果都冇去到，都唔知點解復活節會咁凍o既(地球就o黎唔適合人住o架喇)，攪到人唔想出街牙，hahaha，懶人係多d 屎尿~

放假點都要出o下街o既，同o左阿蕉去睇o左戇豆，阿蕉睇完心有不甘（話晒畀o左成百銀），佢話電視劇好睇d，我就覺得幾攪o野，可能我對戇豆o既期望就係'得啖笑'，都笑得出喎，咁咪ok囉，呵呵，其實套戲好貼題，戇豆又能夠做回戇豆，而並唔係特務戇J的豆！Good!(HAHA，係咪唔明我講乜？）

睇完戇豆，就去o左阿蕉個朋友屋企過夜，呢個節目通常係放長假就會做一次，為的是見我心愛的兩隻寶貝－番茄同o妹o妹

到達蕉友之家，一開門，兩隻可愛o既寶貝，已經o係門口度蹦蹦跳跳∼kawaii呢~番茄同o妹o妹又大隻o左同肥o左，真係抵鍚∼∼番茄係一隻芝娃娃，細細個眼仔同腳仔都有缺憾，體弱多病，冇人肯收養，差d連命都冇呀！幸得蕉友收留，醫番好佢，所以好'爹'人，而家肥肥白白，人見人愛。o妹o妹就係一隻蝴蝶犬溝芝娃娃o既狗狗，又係好'爹'人，好鍾意人o地同佢按摩，如果你摸摸下佢停o左手，佢會用手摸番你，叫你繼續幫佢按摩，真係好鬼得意∼

呢兩張相就係番茄出世冇耐o個陣影o架，o個時仲係好細隻，手掌仔咁大∼

而家番茄個身長o左又肥o左，睇見就安樂晒loh∼

嘻嘻~一副有狗萬事足o既樣！d狗真係好鬼死得意！

最正o既係目訓覺o個陣，佢o地兩隻衰仔跳o左上o黎我張床度，仲o係我個肚上面狂跳，又唔知自己肥喎，我個肚就好似畀人狂dup咁！不過感覺好過癮∼∼跳到支力喇，兩隻衰仔就目訓o左o係我隻腳上面，攪到我成晚唔敢郁，因為驚整親佢o地！我都未見過d狗咁'痴'人o架！結果我成晚都目訓得唔好∼到第二朝目訓醒，兩隻小鬼已經出o左廳食狗糧，我終於可以伸直隻腳攤抖o下喇，突然間，番茄撲o左上o黎我個頭度，彷彿就同我講：「姐姐，你仲未起身牙？」此時此刻，我真係好想meat死佢，真係得意到爆炸，d狗真係好有性o既o者！

如果我第時有機會可以養狗就好喇，不過真係要付出好多愛心同埋要對隻狗好有承擔至得，因為d狗就好似人仔一樣~~

今日得到三珍o既邀請，出席林媽媽o既生日壽宴。除o左我之外，當然唔少得o既係三珍最愛－馬姐啦！（三珍不要打我！）三珍真係好有心思，為o左畀林媽媽一個驚喜，特地揀選o左聞名朗灣（元朗同九龍灣 LOL！）o既大榮華酒樓舉行壽宴，聽聞呢間o野犀利到唔畀book位，所以三珍一早就同馬姐去霸番張靚枱！

三珍，我對你不起！如果唔係我，林媽媽就唔駛等咁耐先食飯啦！o個日碰巧我o個位不人道o既老細，再三留難，攪到我遲遲都走唔o到！激死我！幸好我到達之際，已經可以開得飯！正！

三珍，你真係好識食！竟然搵o到一間咁o既鬼地方，菜式如下：

其實我唔記得晒d 菜名，總之有蝦有菜有雞啦，hahaha，詳細請參閱馬姐的部落格！o個隻五味雞，真係好得，滑甜香！蝦呢？正！夠咸、殼又軟！（搵我寫美食版就死loh，hohoho！）跟住最令人驚喜就係o個個豬油撈砵仔飯喇，我初初見o到，心諗咁熟口面，好似o係電視見過喎，之後問番d同事，先知原來就係肥滔滔o係無線介紹過o既名菜！你睇，圖中手起筷落o既林媽媽食得幾開心~

初初見o到個豬油飯，大家只敢叫一個，因為係頭抽再撈豬油，好似好肥膩咁！點知馬姐食完之後，話要encore，我梗係支持啦，有幾何可以食o者∼最後大家各食o左整整一兜，你話死未？！之後三珍仲嗌o左好好味o既雙色水晶包同埋馬拉糕，oishi o既呢~~~~此時o既馬姐已經飽到震，但係仍然抵唔住美食o既誘惑∼再o黎一個三珍特登預訂o既媽媽我愛你栗子蛋糕一個，嘩正呀，連我唔係好食栗子都話正！三珍，我要再講多一次，你真係好識食！

三珍，你真係好孝順，我從來都冇咁樣對過肥仔強，睇o黎我都要搵次帶佢去食番餐先得！我同馬姐都覺得，林媽媽o個日好開心，開心到由心笑o左出o黎！