我就好順利咁入左協中,不過AA膠...佢都唔努力讀書,所以佢派左去聖X,不過佢個DADDY&MUMMY去左第二到搵學校(由於聖X唔係咁好),佢搵左好多間,連CAROL個DADDY都出馬啦!本來已佢既資質都可以入到好多間既,不過佢IN IN下又走左去第二間,又話呢間唔好,又話個間唔好,最後入左去九XX,原本我都可以接受,但係居然LWL都入左個間,呢個我先激氣呀!

   佢由協小升入去無人無物,得LWL呢個FD,佢以後跟左佢,咁咁咁連本來未壞得哂既AA膠都...啫係咁,佢原本剩係壞左60%,但係佢而家跟左個9十幾,差唔多100%壞既人喎!我真係冇眼睇佢啦!佢大個會變成點我真係唔知點...食煙(已經試過)?吸毒?搶野?偷野?定係入黑社會呀!

  唉~啫係咁,話哂都叫做識左三年,都曾經算係好朋友...都唔想佢咁樣,之前勸極佢唔聽,寧願信一個壞人都唔信兩個識左三年既朋友,攪到咁,我真係盡哂人事架啦~本來我都冇義務去幫佢,佢又唔係對我好.又成日話我,罵我,唱衰我,我呢?一句聱都冇出過呀!

  um...近排都冇咩寫blog,哈哈!近排懶得濟,不過組織左咁多日決定都要寫下!

  我放左榜啦!都好順利入到協中,都好happy,而家註冊埋啦!仲係註冊個日買左d簿呀,d冷衫呀~

d野夾夾埋埋都洗幾多錢下,不過好彩全部同學都有好醒既mummy、daddy呀~佢地預左會用咁多錢,所以bring左本「check」book去寫,哈哈!前日考左升班試,考得好差....唔講咁多啦、琴日考左PS1(即係會影響師妹個D),都考得唔係咁好,師妹,努力呀!

  到左今日我返左小學學單簧管,又要著返小學校服...遲D冇得著啦!

  哈哈~阿SIR好慘呀~佢由十二點九開始一直教到九點先放工,慘~八小時零十五分鐘不停教~仲要走黎走去...

我係琴日既晚上,已經畢業了,完成了六年既小學階段...

我要升上中學了!我長大了...我是form1了!

全部都係和之前一樣---不捨得.

捨不得老師、捨不得同學、捨不得校園、捨不得AA膠...

(sad板)

今日返完學就係謝師宴啦!本來幾開心既,但係又係比d人搞亂擋囉!佢地係咁專登係我地面前講我地d衰野!不過其實那並不是衰野,係佢自己唔知聽到d咩就係到亂作...好難受呀!而家AA膠都唔知信邊個好喎...算啦,唔講衰野講返謝師宴.

 謝師宴真係好HAPPY呀!有D老師返左黎呀!有Miss鄭、仲有林校長呀!今日六丙表演個陣,居然抽到我喎...不過老師抽獎我就冇咁好彩啦!!!不過CAROL就好好彩啦!佢竟然可以俾自己最鍾意既老師抽中左呀!好幸福啊...如果我俾Miss Lo抽中左,我會勁勁勁勁勁勁happy囉!我諗CAROL都唔係好在意份禮物,最重要係邊個老師抽到佢嗎~

  到謝師宴俾d人食野個陣,有超多人湧去同老師影相囉!當然,精明既我梗係一齊出去同人搶老師啦,哈哈!同幾個老師影完相後,我鼓起勇氣想同盧老師影相!不過盧老師好受歡迎,一下子..就被人奪去...跟住我再次湧進人群中,再次叫盧老師,佢好似應我,正想諗住同佢影既時候,佢又俾人搶走左.......我決定要放棄同佢影相既機會...又去左搵第二個老師.影影下,各人要返埋位,梗係仲有好多老師未同佢地影啦,期待住第二輪,點知第二輪就係第到完個陣,於是又同左d同學一齊搵老師影相啦!影影下咁啱就去左差唔多係盧老師個位,又咁啱又冇咩人同盧老師影相喎,跟住PEACH就推我上前同盧老師影相啦!我去到佢面前既時候,佢就同我講:「喂!頭先想叫你都叫唔住!你去左邊呀!」跟住就好順利咁終於可以同佢影左幅相啦!哈哈~大團完結局~

今日朝頭早,咁就去左禮堂排畢業禮啦,點知我估唔到連曲個工都咁難囉!我仲要曲唔到呀~等我話你知要點曲啦!

第一:上台對住校監曲一個工

第二:拿畢業證書,然後同佢講多謝

第三:行前兩步倒,同觀眾再曲工呀!

簡稱三曲工!結婚咩...

跟住就排d要攞獎既人,咁我梗係唔係個d人啦!所以我咪坐係到發夢...突然miss yu走過黎話我聽佢已經覆左我個E-mail喎,我梗係超開心啦,想即刻返屋企睇啦!點知返到屋企,開電腦check,先發現...睇唔到.跟住過左冇幾耐,我再check過,發現左又多個老師send黎,但係又係睇唔到!

我而家已經send左E-mail叫佢地可唔可以print俾我...哈哈...好驚