對了，上一篇灰灰的網上日記，竟然又再更新了，很神奇吧！
我們偉大的祖國，封鎖了Facebook，YouTube，IG等社交軟件 ，我在北京的生活跟香港是完全不同的，但是有一天，我發現了，這一個網上日記，竟然沒有被封鎖 ，所以呢，我有時間打日記了 。。。
這一邊，我沒有放棄的 ，只係人大咗，有好多嘢都唔想日日打出嚟，耐唔耐就夠 。。。
－－－－－
被裁員之後，我沒有工作兩個月 ，每一日可以瞓到下午，我屋企張床同個枕頭都好舒服 ，我而家喺北京呢，間房大架，我一個人住，仲要係大床，但係個枕頭一啲都唔舒服 ，仲有幾日先返香港，唯有用另類方法令自己瞓得好 。
搵工，都幾困難，尤其當你做咗咁多年嘢，要搵人請你，其實好難 。。。經驗我係有，但係工資的要求都會相對增加 ，所以我唯有等。。。終於，有一份後期的工作等人用，我又得閒，於是接了。。。我預計自己一忙大概是兩至三個月，更知道我需要上北京跟，查看之下，我的回鄉卡已過期兩年 ，可想而知，我冇返內地幾耐呢 。。。
－－－－－
呢份工係乜？其實係跟電影後期 ，以前剪片都係一站式，入面有製片，剪接，特技，混音，出片 。。。電影規模唔同，因為比例比廣告、網片大得多，剪接一個部門，製片，後期，特技，3D，音樂，音效混音，配音，甚至預告片等都可以是完全不同的公司、地方、甚至國家，就以這部電影為例，香港，北京，高雄都有份。。。這份工剪接是適合的，因為過程中，一定要識得用剪接軟件，懂得運作。。。最重要係同人溝通。。。因為你要上北京同高雄，講普通話是必要的，我雖然都說我的普通話真的很普通，但他們都聽得懂，聽不懂，還有微信嘛！
－－－－－
不得不稱讚自己，我是一個適應能力很強的人，去到邊，我都會盡量容入當地的生活。。。在北京的這兩星期，一定要去銀行辦一張銀行卡，然後去微信開錢包，因為一切消費所需都可以在這裡找數 ，好似北京少不了的滴滴出行，百度外賣，美團等，通通都可以用微信過數，超方便，尋晚更用了閃送，就是叫人點到點拿東西給你，比自己乘車去拿便宜。。。唔想外出，可以叫外賣，半小時就送到，超方便。。。仲有，我超愛的，就是MoBike摩拜，四周租單車，四周都可以交車，超方便。。。北京最唔好係人多車多，成日塞車。。。好少人搭交通工具，所以成日塞 。。。
－－－－－
有些Apps我覺得香港可以用到的，尤其MoBike，可能因為自己喜歡踏單車，但係屋企放不下一輛單車，隨街泊係好事。。。閃送，叫一個人隨時同你送件 。。。
至於北京同香港比，我會仍然選擇香港，內地文化始終改不了隨街吐痰，真的十分非常討厭；仲有食煙同周街掉煙頭。。。如果我鼻敏感冇發作都可以接受，我分得好開，我上嚟係做嘢架 ！
－－－－－
小插曲，呢一行實在太多老屎忽 ，又會成日有人發脾氣，要入行首先要有好高�HEQ，要對事唔好對人，如果唔係好易得罪人，這兩星期體驗都唔錯，我是一個食得辣又愛吃的人，認識了北京跟高雄的新朋友，都係一件好事。
明天，回港了，還有很多後期的事要準備，點解咁多日，我見唔到落雪呢？有見過積雪的。。。加油呀，琪牛！
|
