真係好耐沒寫過blog.....對不起....!!

        說說近況吧....我還未找長工，仲係做緊0個兩份parttime!!不過除此之外，我仲有學其他0野!!!第一樣，係學車，今日剛剛考完筆試，我pass0左，開心死...即係我開始可以開車學喇....yeah!!! 不過唔知會唔會學完輕型貨車之後學電單車呢？唔知呀，學完先啦....

        至第二樣，係學長笛Flute！ 講0既係起碼4年前0既事，因為小萱而走去學Flute，當時我仲0係中大音樂室做一個reception，所以有時間同人一齊學，可是我為了升學，暫且放下了.....今年，難得音統處收0左我，可以以平價學Flute，不過一班有15人，唔知到時平均年齡係幾多呢？

        第三樣，係keep住去母親的抉擇湊仔，唔經唔覺，已經做0左呢份義工五個月lu.....^^"

        ....而我亦有心去做喻咖的，但未找一間好的......有冇好介紹？

        長工，其實有多重要呢？福利？有薪假期？....這陣子，我有點捨不得這兩份工，既不是收入不好，又不是做得不快.....不過係辛苦......如果我一下子好得閒的話，會有點不自在的.....正一辛苦命!!!

        我確有興趣再攪攪《金魚佬》，不是造型不好，而是故事不吸引！加上完成是為了畢業，而現在是為了自己....

        我有意除了production之外，再去開咪，用自己把聲去配音配vo....唱歌....每次都好想搵一份工可以經常去trip....我有好多0野想做，就是未算找到自己的方向.....不過我做每樣0野都可以做得好好......

        旅行，我畢業到而家都未去！不過下年或許會去日本同西藏....今年，唔知呀，冇伴呢.......

        前陣子收到emily追債的來電與電郵....又一場罵戰....可笑的是，她還欠libby細佬的成績表，而三年前的budget計得唔清唔楚，妄想要我還債住.....即係公平起見，她拖了別人的成績表接近9個月，而她自己的畢業證明只是被hold起兩個月，而她身為producder沒有好好利用budget而導致超支，要組員夾錢，並不覺得自己有錯.....加上我跟了她三年crew，現在畢業才清算這三年的prodction的債.....你話對住呢種producer可以點？

        她的追債恐嚇，又說找院長、老師、同學，更有意來我工作的地方找我....說實在的，計清計楚是好的，不過先補領人家細佬的成績表好似緊要一點....她自己的畢業證書，如果趕住用，大可以自己先付款取回吧.....

        很怕這種人，明明是自己有錯在先，竟然可以說出歪理來....而且唔覺得自己有錯！！一向以來，跟她說要些甚麼，她總有藉口，之後一直拖，一年級的作品的Budget，一直未埋數，到現在畢業才埋數，而且計得唔清唔楚......二年級拍片，幸而我跟導演有傾有講，片子總算不爛....三年級，她說作曲，但一直未交出曲，就算交到，只是一首爛曲，阻礙進度，多多藉口；問人家細佬借成績表，可以唔見0左，仲話責任不是她那處....又推遲；budget.....超支嘛.....要組員夾錢.............但追債...永冇推遲....勁！