哈哈，我尋日已經買口左PSP喇！所以，我少口左上網多口左打機喇……

    不過，我覺得有部PSP最興奮口既係返工一得閒就可以拎出口黎同D同事玩對戰 ，但我還是一個新手，要努力先得！

    我個假，好似放口左好耐咁，但係我好似冇執過屋 ……要返學了，我一定又開始忙過不停，仲有條片等緊我剪，我今日聽Sohan講過，佢口地拍得都唔錯，不過聽說用了很多菲林同埋out晒budget。希望條片順順利利啦！

    雖然我冇執屋，不過我有好乖咁寫突破份稿，應該今個星期六就會出街，到時聽口下啦，個節目係口係新城997星期六晚8-9《新新青年互助委員會》

    之前忘了一提那個“大長今效應”，除口左陳慧琳首《希望》播到周街都係之外，個個口既電話鈴聲都係呢首歌；我同阿媽口個日行街仲驚，個個細路都話要著韓服，仲俾我見到D咁口既細路仔衫……

你話著韓服都冇乜所謂口丫，但係著住印住“大長今”口既衫，仲要係好“粗製濫造”口個隻，D細路會點諗呢？

    噢，又一篇網上日記，你係咪真係有睇口架？點解冇人留言俾我口既？