女: 你又話帶我去戲院睇戲既...點解帶我黎呢度呀?

男: 我要考慮得好清楚然後先至入戲院睇戲架...

女: 睇套戲都要考慮清楚?

男: 好多人入去戲院睇戲...係因為無聊貪玩...係因為要打發時間...求其見倒間戲院就衝入去...唔理做緊咩戲...

女: 你隻船撐左出去大西洋啦...

男: 我之前同其他女仔係埋一齊...就好似果d無聊既人衝入戲院睇戲咁...根本唔了解佢地適唔適合我...

      我知道要經過追求既程序先至可以令一個女人感覺矜貴...我唔想偷步...你明唔明呀?

女: (搖頭)

男: 我好想好想每晚返到屋企...可以食你煮既飯...好想同你一齊睇電視...但係唔想懶懶閒咁搬你返屋企湊仔女就算...

女: 如果你介意我同佢既過去既...你不如直接講出黎...

男: 冇錯...當我知道你見過佢之後...當初我個心裡面好唔舒服...但係依家我諗清楚啦...我知道點解我要入戲院睇你呢套戲...

女: 我係一個人黎架...唔係一套戲wor...

男: 你係一套好精彩既戲...我呢世都要睇架...所以我要正正式式俾個名份你...我要正式同你結婚...唔係用你過冷河牙...

      我要人知道...我已經搵到一個我晚晚要見到既人...我希望我可以名正言順咁叫你做老婆...(拎出介指)

      我呢世未向人求過婚...今日係第一次...亦係最後一次...(跪低)

      我希望你唔好拒絕我...應承我...