呢個係我專登為左忠忠同華華打既第一篇日記...要好好記住呢個值得紀念既第一次...

由於李冠忠先生打既日記唔夠詳盡...於是林嘉嘉幫佢補打番...

9/11星期四...要林林親自問李生去唔去搵華華食飯...李生先肯約埋林林一齊去...李生超衰又再一次企圖自己一個人約華華law...李生其後仲要話"我都冇約你"...超唔開心聽完の後... 

11/11星期六...去到mk...打俾忠忠問係邊等...佢話鯨華...行到鯨華...等左一陣...再打俾佢問佢係邊...佢話係夏雪度拎位先...仲用一把好惡死既聲音同林林講"你依家行過黎啦~~~!!!"林林死死地咁行左過去...點知之後又再同佢行番過鯨華collect華華...咁林林點解當初要由鯨華行過去夏雪呢???李冠忠先生...你係咪有心專登故意特登架???你係咪又想打呀??? 

另外值得一提既係...ivan lee明明話今日會好熱...點知佢自己又著左條長袖冷衫出黎...仲要帶埋條林林曾經好好好鐘意既鏈鏈...林林其後迫佢除左...點知佢去完ua朗豪坊個廁所係塊鏡面前又照左唔知幾多分鐘の後貪靓又帶返上條頸度...超無奈...期間佢仲要懶醒爭d衝左入女廁...超gag... 

の後去新の城打機機...忠忠唔知做咩無啦啦將十個一蚊唱成兩個五蚊...の後又迫林嘉嘉去唱番果兩個五蚊做十個一蚊...呢個史無前例既遊戲真係好好玩...下次一定唔可以唔再玩過啦...同忠忠玩找錯處果陣...佢又沖口而出講左句"頂"luuu...忠忠果然平時係一直係度扮斯文...其實心入面壓抑左想爆粗好耐...真係慘...

12/11星期日...一定要講既係李冠忠又剪到個頭超短...十足十監獄風雲lu又...d人話一日洗兩次頭等個頭快d長返wor...但係明明有人armarm先至連續30幾個鐘冇沖涼冇洗頭就走左出街...都唔知d人點解依家會變成咁既...

行完朗豪坊同忠忠去左sasa買香水...買左hugo boss dark blue果隻...點知返到屋企發現枝野係冇噴咀個咀既...超搞笑...我從來都未聽過有人係要用隻手去搽香水既...想像一下就會覺得同d阿嬋婆婆用手搽風油精驅風油萬金油冇分別law >.<...唔知想點枝野...不過林林成日去sasa買香水就咩事都冇...忠忠一去就買左枝怪雞野返黎...真係幫你唔倒...

夜晚又去左松記食好難食既"三色涼粉"...次次係度食親既都冇好野...下次都係去食番許留山林林至愛既丸丸子好過...

13/11星期一...忠忠打黎話自己一個人走左去換左枝香水luu...佢明明尋晚先叫林林搵日出去陪佢換...點知依家竟然急不趕及待咁一條男人走入平時唔多肯入既sasa換香水...你方佢唔係貪靓想快d噴枝香水黎勾引學校果個空間欣咩...謎底終於解開...原來個sales俾錯左枝after shave water俾忠忠...我都唔知hugo原來都有出呢d野既...不過要自己用手搽都好唔方便jei...忠忠話sasa d友仔話冇曬125ml既貨...於是佢好無奈咁加$$$買左兩枝枝75ml返屋企...忠忠話佢自己當場發嬲黑面wor...搞到林林好想睇下佢當時既樣子tim...不過總括黎講係抵左既...忠忠應該開心至係...林林都好開心...因為將會有兩個hugo boss既香水樽樽...真是太好了>_< 忠忠快d同林林同華華出街日夜狂噴啦...

終於打完...感動到想喊tim...辛苦 x 1000000 LAW 唔該...好似打左好多個鐘咁...估唔倒自己都會做D咁既野...