| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2017 年 5 月 5 日 星期五  |
| 久違了 |
分類: 未分類 |
還有一年，就達成我建立這blog 十周年了，
由msn，去到blog，facebook，ig，
人們不停地轉換社交媒體，
可能有朝一日，這blog會突然關閉，就好像當初的msn，
再一段時間，可能連fb，ig都消失，被替換。
二十多歲，為什麼就好像已經見證很多事靜靜地離去，
就像那間漫畫店，就像那間網吧，就像那家士多，就像以前那班死黨一樣。
為什麼我沒有好好抓緊他們，
或許一切是由一點一點的誤會與偏見交織而成，
就好像 陳奕迅的 《最佳損友》 一樣。
原來所有的事都像被某種力量所推動著，不由得你控制。
即使再次相遇，已回不到當初，
各人都像從某一刻的點突然就走向不同的線。
漸漸就不再相連。
現在我在大公司工作，有穩定進修，
這是從8，9年前的我不可能說出的話，
所以又如何？
只好向生活妥協的我會快樂嗎？
......答案會在我多年後得出吧！
如果這blog還在，或許有一天會再上來，再寫一篇給自己的日記。
|
考試XDDD  |
分類: 未分類 |
我都好耐冇打blog 啦;
個個人都去哂玩facebook ,
日誌既熱潮比佢蓋過了=0=
呢排大家都係考緊試,
成日係度諗考得點唔好,
睇完我呢個例子仲會咁諗嗎XD?
深夜5 : 00...
我面對BAFS,
點溫都唔入腦,
一本幾百頁既英文書,
對於我呢種上堂訓教畫畫既人,
溫咗都唔知點解,
而且,
好....想...訓.......
慢慢就....
一起身,
呀, 幾多點!?
睇睇鬧鐘, 7:50 a.m.
哇
八點十分前要番到學校矣,
立刻換衫就衝了出去,
我日日都做運動,
就係跑番學校,
但因為冇時間食早餐既關係,
通常番到學校就虛脫了,
入到考試禮堂,
派發考試卷,
當我一見到
不知那個星球的言語時,
我就想放棄了.....( 真消極=[
一時三十分鐘,
點都要做架, 真係食蛋咩, 香腸都好呀!
但我望到選擇題時,
又看看問題,
唔識就係唔識,
而且係連問乜都唔知...
咁點算呢?
我一早預備了對策,
雖然老土但十分好用,
我在筆群找出一支中華牌鉛筆,
刻有 1, 2, 3, 4, 重選, 重選,
嘿嘿,,
之後我桌子就不斷傳出
鉛筆滾動的聲音,
旁邊的同學看見也笑了,
我心想 : 別給我選擇題的分數高過你!! ( 那來的自信.....)
我的秘技就用盡在選擇題了,
但番開另一頁,
卻是地獄級的問答題,
可惡呀,, 要打boss 了嗎?!!
我搞盡腦汁都想不到對策,
看看我現有的武器,
1.筆
2.修改液
3.學生證
4.識英文不多個的自己,
可惡, 還是羸不了嗎....!!
怎麼辦, 始終不能交白卷,
如果我是夜神月( 死亡筆記 )的話,
這些算什麼?
不....不行,
這些天馬行空的事想多也沒用,,
但怎麼辦呢...頭上的汗一滴一滴,
面對能力貧乏的自己,
根本寫不了甚麼英文上去,,
只有,,
等死嗎 ?
不可能!!
我不能這樣就放棄了!!
如果放棄了我還怎麼面對家人與朋友!!
我一定可以回答所有的問答題!
就像動畫裏每次主角不夠打,
也一定有新必殺技出現,,
我也一定有!
我開始想像了!
燃燒起來的右手,
開始將問題寫在答案上了..!
回答速度極快,,
思考也不用...!!!
這果然是我的新必殺技嗎.....!?
充滿自信的我完成了整份BAFS考卷
我嘆了一口氣,
望望天花板,
完了終於,
始終BAFS也不是我的對手嗎...。。
一段時間後, 便收卷了..
考試週好快便過了
隔了幾天,
終於到了派發BAFS的日子,
「X X X 出黎攞卷 ! 」
我走出坐位,
心想 : 我也要迎來新的開始了 !!!!
＊之後的請各位讀者自行想像＊
|
| 信長!? |
分類: 未分類 |
有一天
有個fd 同我講
「你不如試下信長呢隻game...?」
由個日開始
我既人生改變了。。。
好多人問
一隻game啫 ?
可以控制你 ?
我就同佢講
當我開始玩呢隻game時,
我不知不覺變咗佢奴隸。。
一見到人玩, 根本難以制欲
即刻衝去機舖
同老闆講 : 「 七個鐘小(夜)貓, XX機~!! 快!! 」
而且玩完唔眼訓仲覺唔夠, 再番屋企打過。。
玩玩下, 突然見到一張舊相,
睇下以前個樣, 短頭髮, 戴眼鏡, 衣著幾有品味, 一班happy fd, 開開心心既樣, 日日早上出街夜晚訓,
再望下依嫁個樣, 飛輪海頭, 冇整理冇蠟頭, 每日波庫白衫極求其, 一班嚴重上腦機友, 個個黑眼圈既樣, 日日早上訓教夜晚打機,
見到咁,
只係諗到一句,
點解我會變成咁?
我
諗番起初初學打信長個陣,
初初乜都唔識,
淨係電卷底庫, 然後走出去比人殺.
廢, 係超廢,
人地通稱----肥料,
個陣只係諗 點樣唔比人殺,
佢殺唔到我就開心, 殺到就正常,
我淨係好開心同fd 講 : 「 佢柒, 殺唔到我 XDDDD 」
連人地係信長留言罵我係肥料垃圾廢物都唔知
到咗中手,
只用殺英顧單殺, 殺數一定高過死數好多, 未打到最後都唔知輸羸,
輸咗就賴隊友, 羸咗就話贏自己,
極自豪自滿自大, 自認高手勁。。
但玩到依嫁,
輸贏一開波我就知咗一半,
殺人死亡都完全看化,
輸咗理解, 羸咗亦明白,
沒驚喜沒快樂沒刺激沒興奮。。
咁我玩黎做乜!?
從此之後
我冇玩過信長,
因為佢既魔力已不復存在。。
我唔會以後都唔玩,
但唔會再沉迷。。。
我覺得再咁落去,
只係浪費時間,
難道要抱住一隻game 過世嗎?
我覺得快樂係應該發生係更加有意義既事上。
|
| =0='' |
分類: 未分類 |
人地成日話fd fd 呀
但又有幾多可以玩到老?
每次諗到呢到都感到好心酸
依嫁一齊玩既
開心
快樂
但可能某一日分開後
後日再相遇
大家已經成為陌生人
不認識了
有D理性D既
可以輕易接受
「識過第二D咪得囉~」
但感性D既
通常都難以接受
但係都冇計
因為呢個世界太多野估唔到
好多時都要強逼接受
以前同fd 一齊話儲錢買一間屋
一齊住
但
可能嗎?
其實我一早知係講笑
不過為咗開心
講下都好
我明白今日傾心事既fd
遲早都只會得閒飲茶
個個都話友誼係永久既
但好多事你控制唔到
到頭來分開既時候
你都只可以選擇接受
你冇時光倒退既能力
亦冇時間停流既魔法
即使不過是一個小小的願望
所以只可以珍惜同依嫁既fd 相處既時間
或者第日你唔會後悔
但會少咗好多珍貴既回憶
=]
|
| 2010 年 9 月 16 日 星期四 |
| 兄弟? |
分類: 未分類 |
兄弟.
小學生都明白點解
但今時今日
我明白唔到
好多人都演譯過比我睇
但我都係唔明白.
因為佢地 「 兄弟 」 既意義
個個都唔同
點解個個都唔同呢?
咁真係考起我
佢地每個對待「 兄弟 」既都唔同
而且會變.
因為咁
我已經分唔清「兄弟」 同 「陌生人」 有咩分別?
陌生人是代表兄弟既關係嗎?
我唔知.
點解?
點解要咁.......?
我地唔係曾經有難同當, 有福同享咩
係咪我做錯咩呢?
睇住一張完整的拼圖
分裂再分裂
又有邊個感到開心?
雖然我冇做過咩
但我依嫁講對唔住....
又有咩會改變
我一個人做到咩?
我只可以睇住一切變成事實
我
無能為力
我有個好朋友
佢變咗
佢每日都好開心
因為佢過得好充實
我亦有個好朋友
佢變咗
佢每日都好空虛
因為佢
失去太多。
卻無力挽回。
|
1 | 2 | 3 | 4 | 5 | 6 | 7 | 8 | 9 | 10 | ... | 22 | »
|
