25/7既完娛拍既...JR獻吻呀~≧▽≦

JR同孟哲~係好奈之前...最特別係佢地手上果個方型西瓜~依個係真架,唔係假...

好靚仔呀~

今日係５５６６既孟哲Ｊａｓｏｎ生日,係到祝佢生日快樂~係圖一個到我打左係25/7拍抵既,係25號之後果個禮拜Ｊａｓｏｎ要去菲律賓拍劇,所以完娛就提早幫Ｊａｓｏｎ慶祝生日~

今日遲左起身呀~v.v"我約人去書展呀~遲左成半粒鐘...佢地打黎話佢地去先,我去到之後再call佢地喎...我急急腳換好衫就出去啦,11點到去到會展啦~就call佢地啦,好快就搵到佢地,佢地話分開行喎,咁好啦~我一開始去左商務睇下有冇終極一班既小說賣啦,點知有喎~我就買左lu~仲有8折添,跟住我行行下見到有color賣,咁就買左啦~之後我就搵返佢地lu~

之後我地去左Hall2行,去到冇幾奈就唔見左玉同佢細妹,我同怡四'圍'行睇下佢地去左邊,我地搵左好奈都見唔到佢地,我地決定睇左我要睇既野之後先再去搵佢地,我係一個攤位到見到有好多台灣既書賣咁我就入去睇啦,怡就去左東立到睇野啦~我係個到買左一本雜誌同埋3本5566既漫畫書,一共洗左我行我$198蚊呀,不過已經折左架啦~之後我去幫我阿哥訂海報,張海報成$350蚊,點知要俾全數喎,咁我未俾囉!但係我佢淨係俾左$300蚊我...

我去到一代匯集,見到有格鬥天王漫畫版賣,我好想買呀~不過我唔夠錢買呀...丌^丌

之後我地去出口個到睇下見唔見到佢地啦~點知見到啦...跟住我地就走lu~我地去左大快活食野,去到4點我地先係灣仔搭MTR去返屋企,返到屋企樓下,見到我阿媽係到...(p.s係我自己叫我阿媽落黎接我,幫我拎袋書~ka..ka..)返到屋企就拎D書出黎,之後就係到上網,過左無幾奈就食飯lu~食完就係到上網睇少攻,睇完少攻就睇微笑pasta,睇完都11點...之後睇文~

今日真係好開心呀!!!

今日好早就起左身,因為今朝有野做~lunch個時,就同佳,棠一齊食飯...2點幾,要做義工,做到4點,我就返屋企上網~去7點半到,我同我阿媽去左大家樂食飯,之後8點就過左去中心開會!!!今次少左D人黎開會,我就冇理啦,就一邊同個小朋友傾計,一邊sd訊息俾珊...無幾奈傅超sd訊息黎話佢媽媽都黎!!!未到10點就開完會啦~我就call傅超叫佢落黎啦~我地係到等佢同珊個時,我阿媽話佢朋友話依家書展唔俾入...我地等到佢地黎到之後,就話俾佢地依個消息,咁傅超話去唱K,我地話好,我地5個人搭taxi出去旺角...

我地去neway到唱,由10點幾唱到2點幾,之後我地去左對面個間元綠到食野,跟住就搭taxi返屋企...返到屋企都3點幾,我就去沖涼,沖完就去睇錄影帶...睇到4點幾先訓!!!

聽日去書展,不過9點半就要出門口lu~好累呀~

今日12點幾先起身~尋晚成4點先去訓~今日屋企冇電,所以我就好晚訓...

之後有返電,部電腦上唔到網...激死我啦咁我係到睇DVD啦,因為下午冇電視睇...所以就一邊睇DVD一邊做暑期作業~

4點,我去左傅超屋企到上網,點知珊都係到~佢地係到將傅超D野拎上網拍賣...去到7點我先返屋企,返到去就食飯啦!!!我阿爸係到幫我整部電腦,我就出去睇電視...9點幾,我終於可以用電腦lu~

聽日有好多野做呀~夜晚仲要去書展添~因為夜晚10點至2點入場唔洗錢就可以入場lu~Ka..Ka..

尋晚係到睇完本前傳先訓,我之前係到睇演唱會,所以我3點先訓...今朝11點就起身lu~

1點幾我係到睇片,睇到3點,我就出去買暑期作業,返到屋企差唔多都5點...咁我就上網睇電視啦,點知睇唔到喎...激死我啦,咁我係到做暑期作業,做到7點幾就去左食飯lu~

聽日有好多野做呀,要去換身份證啦,要去身體檢查...真係多野做呀~