今日個心情好緊張呀因為知道可唔可以原校升上中四!!!

一早返學校無幾奈就集隊,上去禮堂聽老師講野~之後就上返課室,等班主任黎宣布我個班有邊幾個唔可以原校升上中四......結果係~我成班到升到中四,跟住我地就要去禮堂聽交學費個D野!!!係我落去禮堂個時,我知道珊同+0唔可以原校升要靠中央派位......11點我終於可以走啦~成個人輕鬆哂!!!

今日同屋企人食完飯之後我返屋企等...到3點幾我就落樓下等珊~同佢一齊出去旺角,去之前我地係地鐵站等肥肥一齊出去,我地等左好奈,肥肥打俾我話我地係信和等啦~ >.<

出到旺角,我地去到信和搵肥肥同+0...之後我地行左一陣就去左銀城,睇下有冇Yes咭擰~點知冇得擰,我地又去美國冒險樂園玩~玩得幾開心,跟住我地冇地方好去,就四'圍'行...我地去百老匯係咁睇D電器!!!睇完我地去搭地鐵返荃灣,+0行得好快,我地唯有入地鐵站先~珊打俾+0,問佢係邊,佢話試緊鞋...咁我地冇等佢就搭車返荃灣,返到荃灣,我地就各自返屋企,我去左樓下街市搵我屋企人食飯,我返到屋企就黎9點,我即刻沖涼,之後就上網睇電視~一睇就睇到11點幾,跟住就係到睇文,睇到12點幾就出去睇錄影帶~1點幾我先訓~

聽日返9點,所以可以訓奈D...

今日唔洗返學~所以好遲先起身~之後就係到上網睇文...

1點幾我就出左搵傅超拎張九折卡去買書,拎左之後,我就自己行三聯買愛情魔髮師既小說~買完我打電話問佢係邊,佢話佢已經返到屋企~我話我就打俾你落黎拎返張卡,順便還埋20蚊俾我!!!返到屋企樓下,就去搵佢,我俾返張卡之後我去左文具鋪買野~點知我見到傅超同珊喎!!!跟住我地冇野做就去左傅超屋企,佢地係到睇DVD,我就係到上網...4點幾,珊要出去,咁我就同珊一齊走~返到屋企,又係到上網!!

8點幾,同阿媽出去荃灣買褲,之後去左打邊爐~去到11點幾先返到屋企,跟住又上網,上到2點幾先訓~

今日考TSA,都算幾易~作文個份我用左紹偉黎做我既題目,一寫就寫左500幾字,我都估唔到我寫左咁多~

放學同珊去左荃灣行街...跟住我地打俾傅超問佢黎唔黎荃灣,佢過左好奈先答我地,我地等左10幾分鐘佢先到~之後我地去影貼紙相~影完就去左珊屋企,去到5點幾就返屋企...

返到屋企,我又係到上網睇文,唔知點解有幾個我經常上開個幾個網頁上唔到喎!!!激死我啦~

聽日考英文同數學~好驚唔識做呀~重有聽日唔好落雨

今日考英文聆聽同中史呀~英文聆聽考45分鐘呀...都唔知點解要考咁奈~!之後考中史...我係咁溫作業上冊既野,冇'麥'溫過下冊既野,所以份卷有少少唔識~

放學就去左荃灣,不過我上左車之後又落雨啦我冇帶傘,我唯有急急腳咁走...我係城市等傅超同埋珊~我地去唱K~11點幾唱唱到2點半左右...跟住我地就行荃灣,行到4點幾我地就搭小巴返屋企lu~佢地話上黎睇我隻5566既演唱會,一睇就睇8點幾,所以佢地係我屋企到食飯~

佢地走左之後我就去左沖涼,沖完就係到上網睇文,冇幾奈,mei wai打黎話聽日唔同得我去唱K~咁我打俾玉...話俾佢聽mei wai唔去得~咁佢就話我地聽日唔好去,等mei wai得閑再去,咁我話好!!

2點幾我先去訓~今日好累呀~