今日登入返 先知自己原來有三個月 冇寫過BLOG 黃版 都已經玩完ru 而家懷舊緊遊戲王 另外 呢排玩 Minecraft 玩上引 XD
前幾日睇完SLAM DUNK ru 不過 只係1-101集 劇場版遲D先睇 考試都考得七七八八 仲差口試未考 黎近 懷舊小精靈 由 第一代開始玩 即係玩 紅 綠 藍 黃 版 之後 玩 金 銀 水晶版
呢排睇緊SLAM DUNK 真係幾好睇 ^_^ 當然要有一班好嘅配音員先好睇 雖然有段時間 角色嘅色不同左 但整體真係好好 劇場版而家只係搵到三集咋 希望快D 搵到 嗰集啦>.<
聽日就要考試啦 估唔到時間過得咁快 心情眞係好緊張呀 唔知考完試會點呢 自己將來又會變成點呢?
今日無聊 早上喺個網道打 EVA勁D定高達勁 D 咁我當然搵到好多唔同嘅答案 有D話EVA勁 有D話高達勁 我自己當然覺得EVA勁啦 有人話自由高達一出 就可以搞掂EVA 但佢唔知初号机係神 根本唔會搞得掂佢 有人話EVA 初号机唔識上宇宙 條友梗係冇睇到結完編 初号机係可以去到 宇宙 不過係比人帶著 但黎緊Q嘅貳號機 真係可以喺太空作戰 所以 EVA係勁過高達
前一排重睇左鋼鍊FA 相比舊版 呢套真係好睇好多 好想快D睇EVA Q呀 下星期就考試啦 好!溫書先 > O <
剛剛3月8日係LAST DAY 我真係估唔到咁快就過左本年時間 我知好快就要考試 但我真係好唔捨得 我真係好想再同佢地上堂
呢個新年假期 重睇舊版鋼鍊 唸番起當年TVB首播嘅時候 自己仲係一個小學生 而家已經變左就嚟考公開試嘅高中生 聽番舊版鋼鍊嘅歌 真係令我有種懷念嘅感覺~
好耐無寫Blog 啦 過埋今晚就2012年啦 估唔到咁就過左一年 而且好快就考試 我要比心機呀>.< 喺呢道 預祝各位 新年快樂!身體健康!^ ^
今日係學校嘅家長日 所以病緊 都要照返 之後 去左灣仔睇模型 最後去左買碟 食埋野返屋企