呢排都唔知係咪痴左線，係咁上fb睇佢d相...我覺得佢同一般女仔唔同...唔知點解呢。佢地多數會好刻意咁打扮自己，但係佢唔會咁做。

有一次，係我form one果陣，放學搭車果時見到佢......種感覺好怪，同望其他女仔種feel唔同。就連佢既姓氏，英文名都好與眾不同......我依加，係咪中意左佢？我既身形成日令到我好自卑，唔想成世都係咁，但係又唔肯努力去減肥......幾年之後都唔知點樣識女仔

講返聽日，我有一場社際籃球賽要打。右手既尾指同埋無名指仲隱隱作痛......今日落街場打波，仲唔小心整親個幾月前傷過既右腕......所以，妳今晚要為我祈禱呀！xDD(講下姐)!

希望聽日可以見到妳。

唔知點解我竟然知道今日係candy姐姐既生日。話說，小六既我係一個盡忠責守既風紀，而小五既candy姐姐係風紀隊長。佢雖然細我一年，但係唔知點解佢可以做到隊長......

candy姐姐比我既印象就係大方同埋熱心工作。次次守崗都要搵到我，點左我名先至肯走。唔知係咪我係facebook整左個新dp，佢先至認得我= =前幾日同佢係fb傾計，佢竟然話我瘦左...定係佢太耐冇見我呢？

尋日放學同辜天樂去左apple mall，睇下有冇野可以買黎送比candy。可惜，未睇岩。女仔既心意真係好難捉摸~唔知佢中意d咩野呢？我問佢禮拜六得唔得閒，因為想送生日禮物比佢，佢就問我做咩突然間咁好死......咁睇我都有嫁！我接受唔到囉xD！

本來諗住尋晚12點同佢講生日快樂，但係尋日實在做得太多野，累死咁濟，就咁訓左，SORRY呀CANDY姐姐！T_T原諒我啦！希望你星期六得閒出黎收我份禮啦。我覺得...算啦，無野啦...你一定話我痴線...我真係唔明點解我前日生日會咁唔開心囉，你算好嫁啦candy姐姐，咁多人關心你...有d妒忌tim^=^

今天社際籃球輸3分，真係慘。lolo一個人獨力支撐，難為佢......社長叫我下一長換定衫，唔知有冇得出呢？？我都想為自己社作出dd貢獻，可惜實力未夠t_t，只要出到，我都會盡力打。

四月二十六日，呢個日子對我黎講非常之特別，因為係我生日。

而今年，係最特別既一次。放學後拿拿臨返屋企換3，然後去左睇跌打。之前右手既隻手指尾傷得好慘，搶籃板果時比個高佬隻手拍打落自己隻手指尾度，個波再跌落我隻手指尾上面，大功告成T_T，搞到又要幫襯果間野......一個月前先令個野，兩個手碗包哂藥。

跟住我返左小學同劉主任慶祝生日。真係好笑，明明自己生日，都要走去同人慶祝......事實上，我係有d掛住samatha先返去......但係唔知點解我媽咪話我返去係為左見tiffany= =明明同佢n年冇聯絡..

好啦，之後我同蔡維高行到去屋企樓下個巴士站，陪佢等車(好傻，但係傾得好開心)！屋企已經call左我兩次，但係我仲未捨得走，難得咁耐先見一次~~
上到屋企，發現阿媽竟然煮哂d我平時最憎食既野，仲要同我講︰乜你捨得返黎啦！嬲嬲地自己食幾塊面包就算數......一陣間可能連蛋糕都唔食，同佢作對。今年生日主要係想換手機，但係次次同佢講，佢就當聽唔到，完全唔比反應我囉！尋日我仲嬲，明明隻手指已經傷左，字都寫唔到多隻，佢竟然仲叫我去拉樂團。我話︰我真係練唔到呀今日，返屋企把啦！佢suddenly超大聲係條街度鬧我︰你估你返到去真係做野？

~的士上~

佢︰唔該去沙田政府合署(我係呢度練樂團)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

事實上佢係想扔底我，順便攞埋出年參加樂團既form。x佢

本來想即刻走人，但係我比面李sir，留低！！！！！！

完左之後返屋企，跟住又要補習。呢個叫星期日，收皮啦！

點解人地可以訓到勁晏

點解人地可以係星期日成家大細出街shooping

點解人地阿媽咁關心自己d仔女

點解d人話買新野，父母就即刻買比佢地

點解人地話出街就出街，問到唔洗問

我真係唔明囉。

依加9點未到，我要訓覺啦

講返尋日先啦......

話說尋日我媽咪渣車返工途中，係迴旋處停低。係呢個時候，尾隨既一架小巴以為我媽咪架車準備向前去，唔小心撞左埋去......好在架小巴唔係急速撞落黎(果度係斜路)，如果唔係我媽咪命都冇！(嘆氣)

係尾我媽咪同佢理論，終於講掂數。個小巴司機差唔多要賠哂自己成份糧(偷笑^>^)。呢幾日真係慘啦，冇車用！T_T

之後我媽咪勁串咁且佢講︰我呢幾日要搭的士返工放工，每日200蚊來回......最後小巴佬個老細帶我媽咪去到石梨背車房整車，起碼3-4日先攞得返...................................................................................

返到去今日

今朝我同埋幾個同班既滋事分子被老廖(班主任)點名企起身，話好多老師同埋某個同學既家長投訴。果個同學應該係神神化化既wilson。真係x佢，以為自己有情緒病就大哂，為所欲為！到左maths堂(班主任教)，老廖逐一叫我地企起身，之後同我地廢up一輪，就叫我地坐返低。佢係中間係咁暗中讚佢d仔女，唔知比咩返應佢好！(方死我地唔明)

跟著叫左我起身，以下係我同佢當住全班面前既對話，留心！廖=老廖，m=我

廖︰知唔知點解我會揀你做班長？就係要你有責任感同埋變好！我比得班長呢個名銜你，你就要努力做好。

m︰(點頭)

廖︰知唔知今朝副校長同我講你地幾個果時，我聽到你個名之後好失望。今朝我講果十罪，係多過十罪，你話比我聽你有冇做過！

m︰有(基本上我只係得一個答字)

廖︰......(一大堆廢話，省略...)，你可唔可以promise我，以後唔再做呢d事？

m︰可以

廖︰除此之名外，你應該點做？

m︰如果再見到佢地做出一d行為，唔能夠控制的話，我會上前同佢地講咁樣做係唔岩！(呢個先係main point，亦係我講最長既一句說話)

廖︰(點頭)坐低！

                   ~對話完畢~

之係老廖小一條友，小到佢喊.................強！

skip至第八堂

第八堂原先係path堂，但係kelvin sir(駐校社工)叫左我地去rm220，講返curtis係camp被人係沖涼果時影相既事。某程度上我覺得佢係抵死，自己發人脾發就得，人地就唔得！mc係咁係到搞爛gag，笑死我地......但係kelvin sir話如果我地再做同樣事情，加上如果係網上見到呢d裸照，就會報警！驚驚......

今日就咁先

前日同尋去左學校既ｃａｍｐ，當然，係好似我咁勁既人先至可以參加= =。

係架車度，我地不斷玩狗仔朗，狂笑^_^！佢真係好得意！！坐係前排既kelvin sir簡直當我地既粗口冇到，自己做自己野......去啦，去到campsite，比我既感覺就係臭同埋大。學者話︰當你去到一個唔到既環境，你只須要6秒就可以適應。但係，果度真係大得離譜，我接受唔到囉！^_^。其實果度以前係一幢私人別墅，後尾個主人捐左比唔知邊個機構(據社工講)，大大話話至少有5000尺......(有冇呢，我只係估計)

活動唔多講，都係無無聊聊的......之後，到左我地最鍾意時間 - 夜晚。我地竟然大膽到影沖緊涼既curtis，仲搞到佢喊...添。後尾十幾廿條貿梨驚死，一齊向佢道歉。佢冇事之後，我地去左玩killer，玩足3個鐘，再玩偷拍，先至肯訓。由4點訓到7點既我第二日完全冇精神囉，仲係咁包雲吞......慘！

坐車返反qc，個feel係即日來回= =唔知係唔係太過投入，定係冇投入過呢？

返到屋企，hea左一陣就訓(回家時間-4點半)。7點食飯，8點再訓過，一覺訓天光。今鋪大鑊啦，未溫history，聽日form test。第二日，即今日，我根本唔想返學，但係我冇得唔返，差d遲到。係完全冇溫過既狀態之下，放學之後死左入115(課室)，接受死刑。一如既往，我係後面果版long question得到乜都冇寫既「佳績」。仲要串爆企鵝miss......

阿媽放工問我今日考成點，我諗都冇諗就話︰幾好呀...............................................................計一計，份卷50分，我應該1/10既分都冇。我同坐係我隔離個全班第一講︰今次係生係死都靠你啦。佢同我講︰你信我就死。點知，我見到佢勁快咁一口氣做哂成份卷......當時有d想打佢既衝動......我恨中史同西史，因為佢地係我既「雙屎」。我最憎既科就係要背野既科(冇乜科係唔洗背，只係年年教我呢兩科既人都好膠)。

講返d同學，今朝見到martin，佢需然剪左個頭，明顯短左，但仲係好似冇剪過咁。冇計，人地係有米，剪一次頭成3舊水......仲要剪完好似冇剪過咁。lunch同beats打波，係我挑釁之下，佢星左我一巴T_T->痛。之後我係咁大佢，佢驚到係咁讓我......其實我係唔會咁做。。。最後佢比我星返佢一巴，我好後悔，因為果野真係細力得濟......

唔寫啦，諗起martin就想打佢！！！！！