今天是母親節
(都係用番口語先...)
我冇同mama去飲荼,冇同佢地食晚飯
或者其他人會話我不孝
不過我就覺得自己今日都過得好有意義
一早起左身
冇野做
平時冇人陪我
我就唔會去番健康大使
但係今日就自己一個走左去番
本來以為重可以聽到少少
點知番到去個醫生已經講完
跟住張醫生就入黎講今日下午d野
我地下午去做咩 ?
你地今日有冇人見到一d粉紅色衫ge人係到賣旗呢
果d人就係我地啦
我地由12:00賣旗賣到16:00
由噴水池行到去建華
再行唔同ge跟番番去噴水池
途中...
見到好多唔同ge人啊
由於果日都有弱智人士協會ge賣旗
同埋佢地一早就開始
所以好多人都已經買左佢地果d
當我地行過去問
"先生/小姐,買支旗啊 !!幫助玉樹居民嫁 !!"
好多人都答..."買左啦 !"
但係佢地指住ge係弱智人士協會ge旗
跟住...我地只好無奈咁再繼續
不過
我就發現呢種人ge特點
佢地唔會睇下係幫邊個機構或團體搞ge活動
更加唔清楚自己d錢會幫助到d咩人
只係識得...買...
就當用左一蚊黎買個護身符
去阻擋我地呢d好似只係識問佢攞錢ge魔鬼
我地重遇到個啊姨
同樣..我地都係問果個問題
跟住佢就話"姐我宜家去番工,邊有錢係身啊 ?"
我心林
洗唔洗啊
你唔比我地又唔會話你
都唔知咁串做咩
不過
澳門都重有好多好心人ge
就係我地覺得好攰好攰ge時候
有一個好高ge外國女人
用普通話同我地講"加油 !!"
真係好印象深刻
其實一路上都有好多人同我地講 "辛苦曬 ! ", "加油 ! ",等呢d說話
當時就覺得我地ge辛苦係冇白費嫁!!
16:00番到去噴水池交箱之後
又發生左d好無奈ge野
交完箱就出去睇下義賣果到有咩可以幫手啦
出去到
有幾個肯定細我地超多ge o靚仔問我地
"你地學生會嫁? 咁廢 ! "
我地話"唔係啊,我地係健康大使"
"重廢 !! 我地少年警訊嫁 !! "
跟住佢就up一大推勁串咀ge野
我就回左佢一句
"其實呢...我地唔係好熟嫁ja..你冇必要用d咁串咀ge語氣同我地講野嫁wo !! "
少年警訊.......so.......??
去參加d咁有紀律ge團體
連基本ge談吐禮貌都唔識
重好意思咁大聲係到話自己係少年警訊
宜家d o靚仔 d行為真係笑大人個咀 !!
|
