今日無咩特別事發生,

唯一就係營地定向嘅時候好悶。

營地定向喺食完lunch就開始,

導師講解點進行果陣好悶,

差D訓著覺。講完之後,

就馬上起行啦!我同組員

一直漫無目的咁搵,

好彩指定時間內番到去。

跟住導師就話要頒獎俾成績好嘅人,

估唔到我都有份囉,

我用咗成20分鐘先番黎咁耐,

而D獎品就係file一個...

完結之後,就同同學去咗唱K,

不過果度得十幾新歌,

唔知唱咩好,就點咗唔係咁新嘅歌。

晚飯之後就係講座,內容係反''煙藥''。

其中好似有2條片俾我地睇,熄唒燈,

好想訓覺,但係唔敢,因為mr鄧會捉人去罰企。

最後去沖涼,就去訓啦。