雖然話細數奇幻女友就諗到就寫，唔分次序

但點都應該講初戀先會比較合理

話說小弟初戀係發生係我中三果陣

可能你會好奇讀男校既我點識女？

其實FB就真係交友網站黎既，咪就係FB識

 又好神奇咁比我追到呢下先勁

個女仔係個細我兩年既MK妹

一網戀就直接約出黎行MK

然後食完野行到攰坐低

佢就主動錫我了

之後仲影埋貼紙相

但好可惜，返到去之幾日佢就冇乜理我

直到我一星期後見佢FB post個同MK仔既合照

我就比人第一次派帽了......

但算啦，鬼叫我只係一個毒撚咩

失敗者寫下既歷史係唔會被人傳頌

不過遺臭萬年都未嘗唔係咩壞事

下個諗到邊個EX就寫返啲事跡出黎

估唔到終於有一個女仔可以令我真正放低過去，重新出發

只要Qooza一日未執，我都盡可能將我所有經歷寫低

等自己有一日真係失憶都可以搵返呢啲回憶碎片

而2022年8月28日係我正式同寶貝一齊既日子！

本來佢加我FB果陣我都只係以為係一個獸控小男孩(佢fb名一開令我以為係男)

到後尾睇完佢放真相就發現原來係中學生

直到佢加我IG，我就發現佢讀緊大學

雖然我同佢相隔一個海咁遠

不過直覺同我講，今次呢個女仔好適合我！

所以釣完魚喝左啲酒正式同佢確立左關係

嗯......不過釣魚曬傷既地方真係要有排先回復正常了

可能呢啲就係塞翁失馬，焉知非福啦

一個會聽我講廢故既女仔真係唔係咁易搵到

呢個分類，就用黎寫低我想寫低既EX吧

反正呢個分類名就係我同寶貝一齊諗出黎既—奇幻女友目錄