某日曹氏豪宅
曹操：嗯，關羽實在堅揪啦，如果拉到佢入會就好啦。。。唉！
張遼：嘿嘿嘿嘿∼ＢＯＳＳ，佢就交比我啦∼
曹操：好啦！我要加。。。加。。。加你人工！
某日既網吧。。。
張遼：（彈左埋去關羽身邊）喂∼關仔！好耐無見啦！記唔記得我呀！？
關羽：妖！死開！我打緊骷髏王架！（張遼被打飛）
十分鍾後ＫＦＣ。。。
關羽：哈哈！岩先唔好意思！Ｄ３實在太好玩啦！遼兄，搵我咩事呀？
張遼：小意思黎姐∼平時都做慣肉盾架啦！（心聲：頂！如果唔係為左上位，我一早爆左你ＡＣ呀！）無咩特別既∼想拉你過去曹爺果到姐！
關羽：唔得呀！我呢啲講義氣既！唔可以對唔住大哥同三弟架！＞＜
張遼：（即刻變面）拿。。。我同你講呀，呢間ＫＦＣ曹爺買左架，你唔合作既話，我唔知啲店員會唔會打你架下。。。
關羽：咁既話。。。
張遼：（戴眼鏡換老西）不如咁啦，你可以問下現場觀眾先，或者可以打電話比你既朋友，五十五十已經用左了，呢條係價值一百萬既題目。。。
關羽：哦！咁好啦！我問下現場觀眾既意見先啦！
眾人：唔係掛！萬一講錯野咪比啲店員打！閃先！
店員：喂！！！你地班粉皮咪比錢呀！
關羽：咁樣。。。我問下呀嫂既意見先啦！（ｉＰｈｏｎｅ使用中）
嫂嫂：正所謂，男主外，女主內，呢味野你決定啦，丫，仲有呀，我唔記得買餸，一陣幫我斬一斤叉燒得唔得呀？

關羽：唉！既然咁樣。。。好啦！如果操哥肯應承我三個條件，咁我就入會啦！條件如下：
１）加入漢室社團，而非曹操社團。
２）劉備傢眷享受ＶＩＰ白金級會員待遇。
３）可無條件即時辭退。
｛另：４Ｇ無限上網服務，半島酒店免費自助餐任食｝
張遼：ＹＯ，任務完成張裕玲！番去話比ＢＯＳＳ知先！
一小後曹氏豪宅。。。
張遼：報！關仔話肯入會，但有三個條件！請過目！
曹操：嗯。。。第一條，漢室依家我最大，姐係差唔多姐。而第二條就係錢既問題，我多的是啦。至於第三條就。。。丫！有啦！！