話說N咁耐之前篇野就講我個款衰，去到邊比人都比人查身份證！今次講下我地偉大既港鐵，壞就我印象中有３次以上，港鐵係香港主要既交通工具之一，發生得太頻密真係令我接受唔到囉！

話說我好耐之前就如常係觀塘放工，咁岩我就漏左成盒初音無攞走，咁唯有辛苦阿霖攞落去觀塘apm比我，不過呢個同時都係惡夢既開始......
由油塘到北角，諗住轉將軍澳線返北角，落到車見到成堆人係到等緊地鐵，諗住岩岩好，點知...車廂入面無晒燈，停車位都唔係對準地下條線既！即係話我係第二批等呢架壞地鐵既人...企左5分鐘到，廣播話列車壞鬼左，要等30分鐘！全場即時爆粗係到問候伯母。企左30分鐘，又話等15分鐘，呢個15分鐘足足等左半粒鐘有凸，呢個時候大約企左成粒鐘，後面既人就不斷增加...之後無啦啦有職員撬開車門，將車入面既人「救」出黎，好彩既係佢地入面大把位坐，不過啲人都係都唔奈煩到行行企企=.=|||
開門之後，有個攝影師大佬就周圍影，心諗緊係又有大獲野啦！一陣之後架壞車就開走左，再企多大約10分鐘左右，廣播就話將軍澳線暫停服務！相信今次大家同埋人地祖宗打招呼。。。途中有人打電話即時大大聲投訴，然後就有約幾千人迫上油塘出口，極度混亂！
去到上面，啲職員一定比人捉住黎hi，又送佢一句:「Eat shit,please!」因為果次就話唔收錢就出閘，但最搞笑既野就黎啦。。。
你又叫人離開個站塔其他車，幾千人要出閘，你就開得果幾個比人出？出到2036都未出完啦！所以啲人都跳過閘走難咁款......而因為油塘都幾荒涼下，個個都唔知邊到有車塔，成街見車就截，所以Van仔的士都無鬼晒，幸好小弟老豆有架貨Van......係附近食左個唔好既晚餐(仲有心情食咩?)最後就上左架貨Van，返左屋企，果刻，父愛真偉大！
結果當日7點鐘塔地鐵，成差唔多10點先返屋企！香港人真係。。。直言一句！命苦= =