你地成日係度話梁逸峰好慘，
比人網上欺凌，我就唔係咁睇……

是咁的
而家中國入面有邊個未聽過梁逸峰個朵？
「連梁逸峰你都唔識？你邊薯鄉下呀？」
而家既梁逸峰，可以話係紅極一時，如日中天。
我係你既話，我唔會毒係屋企喊，無語問蒼天：「點解？我玩朗誦姐，點解要咁對我？！」
我會捉緊呢個機會……去接SHOW做廣告。
信我，你一定掂，廣告商見你咁ＨＩＴ，
係中國香港極具知名度，而且搵你拍賀歲廣告成本會較低
一定會搵你拍一段新春賀歲朗誦廣告，同時係香港同大陸播。
「中國五糧液…世界的梁逸峰，向……大家祝賀！馬年……行好運∼∼∼∼∼！」
配合埋你特別的朗誦技巧，呢段廣告一定有極大回響
五糧液個朵一定響出亞洲，
之後啲娛樂公司就會睇上你，請你出SHOW表演同客串喜劇。
你做到出哂名之後，我相信你係大陸朗誦一首詩都有１０萬落袋。
呢期你一定豬籠入水。做６個月你身家應該有九百萬左右。

不過花無百日紅，啲人總會睇厭。
所以你要係香港做一場大龍鳳。
係你既一場SHOW入便，朗朗下誦掟咪：「屌你老母！我頂唔順啦！」
觀眾當然嚇到瀨屎啦……
然後你就開始入戲，眼泛淚光咁同大家講：「其實我一直都唔想咁樣，我想做番自已。」
繼而控訴香港教育制度既失敗，並且勸其他學生玩朗誦唔好玩到好似自已咁……
然後為自已既一時失態向觀眾道歉，呢個時候觀眾應該已經拍爛手掌，
佢地會感動流淚，而且叫你加油，唔好傷心，其實你已經帶左好多歡樂比大家。
呢個時候你再黎一個反高潮……

同觀眾講：「既然你地咁支持我，我都唔好意思要個表演不歡而散，不如我為大家唱隻歌！」
由你既表演之中，我知道你既肺活量、音準同節奏感都好強，要唱得好過而家Ｄ新晉歌星
完全唔係問題！然後你金喉一開，便繞樑三日。
觀眾就會讚嘆：「下！原來梁逸峰唱歌咁勁嫁？！」
Ｄ人就會ＰＯＳＴ你唱歌上ＹＯＵＴＵＢＥ，你既人生會進入第二個高峰
咁你就梗係食住個勢，進軍樂壇啦！

第一張大碟你要玩番中國曲風，用詩句作詞更佳……
相信係互聯網既渲染底下，你既碟會好賣過學友，賣斷市都得。
之後當然會有好多獎等你拎嫁啦。
你上台分享既時候記得同大家分享你既理念，
你做咁多野就係為左宣揚中國文化，中國既文學家聽到之後會好感動
特意寫文讚揚你既偉績……
外國人仲會開始玩中國曲風夾英文詞，你會紅過ＰＳＹ

講到呢度，你有名有利，唔洗我再講啦