上回提要，比未來既我又指派任務。

恨魂說：

放心，大把機會你用，你依家就用呢個波搵埋我其他成員既下落啦......

另一個我講完呢句又OFF左，乜真係咁唔方便咩？不過反正都想做下熱身，就幫佢搵埋其餘五條友啦。

當我又再用個波果陣，發現個波有常用聯絡人名單，不過入面既唔止五條友，竟然有十條友！但其實都多左五個人姐，證明我都係無乜人搵咁款。

不過除左依家訓緊旺角既銀狐之外，都仲有九條友要諗......

常用聯絡人名單：

買賣專用

第五勇者

冥通

王土豪

彩虹糖

星星頭

S

Boss

駁線

銀狐

不過我又記得條銀毛講過，未來既我比人叫做彩虹糖，但點解常用聯絡人名單又有個彩虹糖呢？

但我暫時唔諗咁多住，我硬係覺得星星頭呢條友係其中一名同黨，都係試下聯盟佢好啲......

我禁完星星頭之後，個波就轉左畫面，睇黎可以玩視像對話，順便我都想好奇睇下呢條友個樣係點。

點知一睇到樣之後，條友個頭原來真係成粒星星咁，真係人如其名......

我：「喂！星星頭，你依家係咪2017年到呀？」

星星頭：「咦你剪左髮呀？個樣仲後生左唔少啵！不過我緊係唔係2017年到啦，你唔記得左啦咩？」

我：「我知乜事，得啦，咁你依家係回到三國定返左戰國呀？」

星星頭：「我咪去左7年後囉，返咩古代，你今日搞乜？點解好似變左第二個人咁！」

我：「無......咁大家都著左草，想知你死得未姐∼」

星星頭：「痴線！緊係未死啦，你放心，隻毒我改良左架啦，你有需要就去老地方攞去用啦，我依家忙緊啲野，唔講太多啦！」

之後個星星頭就CUT左我線，不過估唔到一撞真係撞到組織既成員，不過仲有四個要撞，希望唔好搵錯人同埋比人踢爆我唔係3年後既自己啦......

見冥通個名都幾帶殺氣，又係好奇心促使之下，我打左過去......唔知果陣係咪除左穿越時空，仲可以超越埋生死呢......

待續。(P.S呢個同高登果個星星頭無關)