續上回，好奇心之下聯絡左一個叫冥通既聯絡人。
接通之後畫面果到黑蚊蚊，唔通真係地府？！
我：「......請問係咪冥通銀行......我係你既VIP尊貴客戶恨魂，我想問下個依家兌換率......」
估唔到問完之後就見到有個好似喪屍咁既男人露面講野......
冥通：「咪玩啦魂兄，次次都差唔多既開場白，今次又想我幫你殺邊個呀？」
估唔到......原來呢個係殺手既電話黎既......
冥通：「喂，做乜唔出聲呀？果個人好難應付架咩？」
我：「哦唔係，因為唔知殺女人你肯唔肯姐......(求其作啲野傾到收線算，廢事比佢發現我唔係未來撚殺埋我都似)」
冥通：「下，你又比女呃呀？收費照舊啦，如果收返得啲錢咪平啲，仲有洗唔洗留返條屍架？唔洗留就比我直接食埋做晚餐慳返筆呀！」
哇......原來呢個殺手真係喪屍黎，但估唔到有意識......真係好奇未來既我點樣識佢......
我：「丫！諗諗下都係唔好啦，條女真係好索，我想直接上左佢當報復就算，唔好意思呀冥通哥，煩到你∼」
冥通：「都估到架啦，次次都係咁，比樣衰既呃錢先比我執手尾，靚既就袋住先！無所謂啦，次次你都出手咁豪爽，下次有咩人要搞掂就搵我啦！」
終於平安咁CUT左線......希望下一個唔係再係啲咁恐怖既人啦
所以我就搵王土豪睇下，直覺話我知佢係一個好有錢既同黨......
果然真係，一有畫面睇就見到佢衣著仲金過金閃閃，仲要嘆緊紅酒......
王土豪：「(國語)喂，你又找我幹啥啦？」
咦，唔通係蝗蟲黎既......算，照舊求其講啲野。
我：「禾...禾.....呃......撚卜撚姐禾衣典錢啦！(爛國語)」
王土豪：「你今天為啥講國語？我很早就說了我聽得懂廣東話啦！」
我：「唔好意思呀，土豪哥，可唔可以借少少錢比小弟？呢排著草洗左唔少，但仲係好危險！」
王壕：「我靠！老早都說了我叫王壕，不是土豪，上星期送你的一百萬這麼快花光喔？算了算了，我就多給你一千萬保險，一會轉到你帳戶了！」
我：「嗯嗯！射射梨啦∼」
王壕：「別這麼說，以前有你們的幫我，我才可以當上CEO，如果香港躲不了的話，就來台灣找我聚聚吧！」
原來呢個壕哥係台灣人黎既......但真係好有米...不過我諗收錢都係未來既我先收到啦。
不過兩個都唔係同黨黎，既然係咁，下次就試下搵第五勇者啦，反正應該都唔係黎，無聊想知下佢咩到底係料子......
待續。
|
