續上回，26條友跳樓企得返起身既得返三個

不過原來呢三條友既能力都幾普通

一個用火，一個用冰，一個用雷

至於倒地不起果23條友原來只係得啲黑暗能量

簡單黎講係雜兵，個腦已經淨係識打打殺殺

雖然二對三好似好不利咁

但其實用電果位係完全比橡膠超人剋制住

所以話口未完橡膠超人已經強行幫電人充左電

一野捉住佢將佢塞入發電機入面

雖然全校突然停晒電，但天仲光，無乜影響

最少已經快快手手搞掂左個

其餘一冰一火，為左令個戰果好啲

所以我同火人打，廢事佢整溶橡膠超人(以防萬一)

好彩錯有錯著，因為學校停晒電既關係

我既影能力可以完全咁發揮

剎那間火人已經比黑暗吞噬......

因為佢既能力係黑暗力量，所以可以比我利用返轉頭

不過正當我秒殺左火人既同時

冰人都占晒上風，橡膠手都比佢變左做雪條

既然係冰，我當然用幾秒既火能力黎幫佢解解凍啦

始終都叫吸引左少量既火能力

總算將冰人整溶左，搞到成地都係水

掂條呢三條二打六之後緊係馬上去校長室啦

雖然我地都知佢唔會坐定定咁等我地去收拾佢

你估打機咩，個Boss一直係同一個位等

所以最主要都係收集情報，同埋破壞光頭佬個風水陣

正當我地上返二樓，準備去校長室既途中

無啦啦有條友叫停我地......

仲以為邊個，原來係校工明叔

明叔：「你地想搵校長？佢唔係校長室到啵∼」

我：「係，明叔，依家學校好危險，你都係快啲收工啦。」

膠：「有啲唔妥，照計啲人一係搵個安全地方避緊，一係就走左佬，再唔係已經死左，點會仲淡定係到做清潔......」

我：「又好似真係怪左啲......」

明叔：「既然你地咁早發現到，我都唔講咁多廢話......去死啦！」

正當呢個邪惡既明叔講完呢句說話，佢就已經訓低左

殺佢既竟然係狂戰士？乜佢唔係比校長打死左咩？

不過睇真啲，原來佢已經進入左獸化狀態，可能迴光返照啦

但依家狂戰士已經不分敵我(其實一出場果陣已經係敵人)

因此都係由佢繼續行自己既路，應該都係搵校長再打多次架啦

所以都係收隊返屋企......

待續