繼上回，獸化狂戰士暴走，成部初號機咁

而光頭佬變左做撒旦化身，即時多返兩隻角充大頭鬼

狂戰士比校長轟飛之際

二話不說，即刻扯走禮堂條柱

黎個空中轉身一野飛條柱埋去個老屎忽到

老實講，其實咁野比佢扯走條柱個禮堂真係馬上倒塌

仲要成條巨柱飛埋去補刀

但魔王果然唔同啲

有道力場，連條柱真係比佢彈開左

不過根據劇情，狂戰士應該侵蝕果道力場既

點知狂戰士起勢咁衝埋去都係比佢道力場彈開

我開始懷疑條老屎忽同李超人係咪有生意上既來往

不過唔知係咪邪不能勝正

果個保護網我見撞下撞下都開始薄

真係不出我所料，再撞多5分鐘真係穿

而老屎忽當初原來打算同佢玩持久戰

所以啲MP全部用晒落支持保護網果到

狂戰士既攻勢終於有返起色

條老屎忽都比佢一野撞飛左十幾米

但狂戰士果然真係唔讓半步

再衝埋去打多佢十幾廿拳

撒旦化身呢個朵果然唔係吹水

原來佢岩岩除左開防護網之外

仲努力集緊氣，一野黎個地獄烈焰

差唔多成間學校都陷入火海之中

連我呢條花生友都差啲走唔切

依家唔怕火既狂戰士都發出怒嚎

威力睇黎真係唔講得笑

可惜成間學校著晒火既話

咁小次郎都肯定中埋招......

小次郎：「我等左呢刻好耐啦！一閃！」

小次郎突然從天而降，滿身傷痕咁用渾沌一擊向撒旦化身衝落去

而狂戰士都唔執輸，化身為太陽咁成個火球咁再撞去佢菊花到補刀

點都好，既然上後都有人砌佢，我緊係唔執輸啦

橡膠超人就將自己隻手變大，大大力咁向佢塊面車埋去

我就緊係用我既影能力，係佢下面黎返個幻影千年殺

等佢絕子絕孫，唔會再有另一個撒旦化身

不過看似天衣無縫既四方夾擊，其實仲差佢左右方......

所以撒旦化身張開雙臂，一左一右召喚左個黑洞出黎

不過橡膠超人只係伸長隻大手咁打佢，所以伸得切無事

但我地三個就中左伏，比佢吸左入去

到底橡膠超人對上極度虛弱既撒旦化身勝算會有幾高呢？

而吸左入黑洞既我地有咩事發生呢？

待續