續上回，撒旦化身左右開弓整左兩個黑洞吸左我、狂戰士同小次郎入去
得返橡膠超人同佢謝晒皮既撒旦化身打
雖然叫就叫黑洞，但入面只係好多塵埃同垃圾
唔係完全漆黑一片，或者呢個可能係另一個次元空間
小次郎：「估佢唔到仲有呢一著，不過又唔係無得出返去，但要借助你同埋果位人兄既力量......」
我：「我就緊係無問題啦，但狂戰士失去晒理智，依家都只係衝擊力過大暈左，點控制佢配合？」
小次郎：「你既影能力係到會大幅提升，不過都有一個地方令你既能力提升得無咁大，果一點就係呢個空間既出口。」
我：「咁樣唔難，但搵到之後要點？同埋關佢乜事？」
小次郎：「我要佢既蠻力黎撞薄個出口，等我果一劍可以斬開呢個次元。」
總算同小次郎所講既一樣，真係一個地方會特別古怪
雖然我畫功唔好，不過整個撒旦化身既黑影都唔會太難
就係咁，我就引導左狂戰士不斷向我產生出黎既標記位置不斷猛攻
好快就達成計劃，一劍斬開返個空間出口
睇黎可以出去立下大功
點知一出到去之後竟然係一片廢墟......
除左學校之外，連周邊既建築物已經倒塌左加廢置左好多年
睇黎似係穿越左時空，又或者只係去左魔界都未定
正當我疑惑之際，有幾個人跑左埋黎
其中一個著到好密實既人話：「等左一年，黎啦。」
而另一個著住實驗袍既男人就總算肯同我地主動交流......
雷恩：「我叫雷恩，你地應該係黎自2008年既人，你地身邊果個異空間入口係一個可以穿梭時空既地方黎，而我地今次咁岩就係要返去2008年。」
「羅梵。」著到好密實既果位人兄只係講左呢句咁簡短既說話
同一時間，狂戰士變返正常，但成個人虛脫左......
雷恩：「機會黎啦！快啲吸收佢體內既狂暴之力！」
話口未完，羅梵就扯開衣袖，極速吸收狂戰士既力量
而佢隻左手既符文都不斷咁湧現出黎，越黎越明顯
羅梵：「未死，會醒。」
雷恩：「時間無多啦，出發啦，入返去個異空間我就識搞架啦∼」
眼見雷恩發出魔力令異空間扭曲之際
估唔到咁快我地三個話咁易就返到去2008年。
但可惜已經遲左一步，因為橡膠超人已經灰飛煙滅......
校長：「我都唔想燒死我聰明既學生架，只係佢有份打過我，我唯有比啲懲罰佢，但估唔到佢咁怕火......」
小次郎：「枉你為校長，原來一直都有行體罰！不過你都就黎死，慳返淡氣好過啦！」
校長：「就死既似乎係你地......由我做校長果一刻開始，我已經慢慢係學校每個角落散佈魔界之源，所以呢間學校可以同我合體！撒旦人鋼鐵模式！」
剎那間，學校開始地震，而撒旦化身已經變成一部巨大機械人
雷恩：「我就預計到會咁，所以岩岩係你講廢話果陣，我既烏蠅爆彈已經係晒學校每一個角落準備好，依家終於可以引爆！」
撒旦機械人內部開始爆炸，零件四散之際，撒旦化身校長都已經消滅埋
羅梵同樣趁機會吸引呢種不斷湧現出黎魔界力量
就係咁，學校總算回復返和平(不過要重建)
而橡膠超人都扮完死現返身
成件事總算告一段落......
小次郎完成任務暫別香港
雷恩同羅梵當然都返去未來世界
狂戰士就上山獨居修練
至於我同橡膠超人當然直接HEA一年再讀上去啦
果一年，我係學校同人打左場大交，到依家都仲記得好清楚......
(完)
|
