作為毒撚既我，朋友已經唔多，依家仲要搵四個朋友黎陪我死，真係一個好難做到既事，如果佢地都有戰鬥力就好啦......

 

雖然話我去過未來世界，而果班友真係唔洗問都知係揪得既，但我無左果個波都用唔到啲技，真係等人救咁款，為左唔想推朋友去死，所以我決定約個住得我近既出黎飲下野，當交代下身後事咁。(無靈魂同死左差唔多)

 

所以我就立馬打個電話比玥楓，點知佢都有事要約我，所以我都拿拿林去左間酒吧到，廢事要佢等。

 

 

玥楓：「風，你都知我鍾意玩CS，但你信唔信我有能力將入面槍實體化，我琴晚個夢係話我好快就有槍魂。」

 

我：「其實我都就黎無左個靈魂，點都好，但或者有機會係真既，但你果種能力叫槍魂？咁怪既......」

 

 

點知呢個時候無啦啦有條友行埋黎搭嘴，搞到我想推佢去死......

 

 

冥通：「Yo，你頭先係話自己有槍魂呢？其實我都係一名魂者，我係屍魂，係咪好有殺氣呢？」

 

我：「屍魂？咁你係咪好揪得先？不如你一星期後入埋我果隊擺啦，我好似未見過你係呢區架喎。」

 

冥通：「Sorry，我真係唔係呢區既人，不過我係黎搵幾個新魂者既，主要目標應該係刀魂同光魂呢兩個。」

 

我：「車，咁我個FD係槍魂喎，都唔關你事啦大叔......」

 

冥通：「呃？大叔......我先24歲咋喎！拿，我就叫冥通，係高級魂者黎架，你比返啲尊重黎啦新仔∼」

 

我：「下！你叫冥通？你既職業唔係殺手咩？唔通刀魂同光魂既魂持有者都係你既暗殺目標？」

 

冥通：「你點知我係一名殺手黎？不過點都好，唔好咁大聲啦......呢兩個魂持有者其實係委託人叫我搵出黎然後保護佢地既。」

 

我：「委託人？乜你原來除左收錢殺人，仲會收錢保護人既......」

 

冥通：「哎呀，死仔咁串？你到底係邊個？點解好似知咁多野咁架下！」

 

玥楓：「喂，唔好打人啦，咦......真係講一講就停左手既......？」

 

冥通：「原來你個死仔就係刀魂持有人......咁，睇黎要谷谷你既"魂"啦。」

 

 

差啲唔記得其實我約埋星仔黎，點知星仔一黎，呢條屍佬就話佢係光魂，終於可以收工啦喎，明明我一星期後先有危險......

 

 

星仔：「岩岩到，做咩突然又靜晒？遲到姐......」

 

冥通：「好啦！依家要快快手手教你地發力，唔係你地就等比人打死架咋！紅毛仔你先，你求其搵啲名刀既名記住，幻想埋個樣！」

 

我：「下，唔通我想要把妖刀村正真係會比把黎咩......咦，又真係有把刀出左黎啵！」

 

冥通：「你慢慢諗多幾把啦，google埋都得架，好啦，到金毛仔啦，你盡量曬下太陽，仲有夜晚果陣要吸收星星既能量！」

 

星仔：「好啦......咁我準備下先！」

 

我：「點樣收返埋啲名刀呀？再唔收就搞到好似無限劍製咁架啦......」

 

冥通：「你咪幻想佢地入返去你個刀庫囉！總之你地要極速修練啦，唔係一星期後就大獲架啦......」

 

我：「似乎你個任務同我自身有關係咁，一星期後，計埋你，我仲要搵多個人，你幫唔幫到我手？」

 

冥通：「唔洗搵啦，其實我既出現代表齊左人，總之一星期後我地再見啦，你地要好好修練呀！同埋順便幫我做兩件事......」

 

玥楓：「係咩事先？仲有你未教我點修練啵......」

 

冥通：「依家咪講囉，第一件事，幫我買批軍火返黎啦，我同條友抄左大獲，但我又唔想同佢認錯，呢到係張寫左我假名既支票，拿，你好明顯就係練多啲槍啦！」

 

玥楓：「買野姐，唔難，咁第二件事呢？又係關我事？」

 

冥通：「都算係，雖然唔好意思.......但係......可唔可以幫我買埋張單佢？我全個身得返張支票咁大把......走先啦∼一星期後見啦！」

 

我／玥楓：「屌......係酒吧食咁多野要人賣單......」

 

待續。