今日個傻妹明明病緊，但又訓訓下係凌晨4點果陣醒左
明顯佢醒左果陣我未訓啦，因為果陣我玩緊自己啲無聊野
不過我都唔打算話咩哄佢訓教，畢竟佢唔係真係我女朋友
但點都好，我陪佢傾到咁上下都會攰，於是又同佢講多一次「晚安」
然後到佢放學果陣我就震醒左佢，個傻妹可能早起身太攰，恰眼訓啦
呢個傻妹真係傻傻地，好蠢，琴日已經無返，今日又漏功課係Locker到......真係呢。
而呢個傻妹真係有個好值得我鍾意既地方，就係欣賞我白痴既一面
同埋我發現無論咩地方出現左問題都可以搵佢呻，真係好舒服，鬼叫我積積埋埋咁多負能量咩∼
到個傻妹想呻果陣我又可以聽下發生咩事，有人陪我，心情真係好左唔少呀
最開心既係原來個傻妹都鍾意睇TBB 8點半套野，我以為得我一個睇呢種題材既劇啦，原來佢都岩架喎
仲大家一齊睇，扮入面啲角色添，諗起都好笑，真係好開心
可能其他朋友之間會有一條界線係到，你同佢唔熟，就會覺得煩到佢
至少我係諗，不過既然同佢都互相知道大家心意，我真係咩都講晒比佢知
可能每個男人成功既背後都有一個女人，而呢個女人就最好好似呢種類型咁掛（？）
|
