今日真係勁勁勁勁勁勁開心！明明只係普通既教院event黎XD
嘛，對上次去果陣都好似只係攝，未係coser，今次同傻妹一齊出cos唔知點解特別開心
不過個傻妹都好勁，明明副con度數唔岩都一眼認到我=w=
可能咁樣係：「即使係茫茫人海之中，你都係特別注目？」
雖然認親既次數都係麻麻地，但今次認親都係其次，主要係同傻妹既第零次約會(?)
畢竟咁遠本身都唔想去......唔係識左呢個傻妹既話都無想去教院既念頭∼
然後一到步我呢個抽水怪都即刻拖住佢，怕佢走失((誤
跟住換衫換妝準備出cos，但個傻妹真係好勁！幫我畫啲肌肉真係好似∼
有無人影我都唔係重點了，因為我幫個傻妹影，個傻妹話想試下做攝又幫返我影！
之後我仲好勁咁幫佢開發到兩隻5星添，俗語都有話無玩既人特別好運(雖然我之後都連續兩次出返2星......)
到左走果陣，傻妹同我一齊食大快活，但食咩唔係重點啦，重點係可以同佢一齊耐啲，嘿嘿......
食完野專登行返去太和站，本身以為去埋上水就完，然後傻妹話可以係粉嶺落再坐巴士去上水慢慢拖時間
所以今次佢都唔係傻妹啦∼而係我醒目既女朋友！
到左上水之後佢送我到地鐵站佢又等車返屋企洗白白
但好開心佢願意做我女朋友啦QAQ所以話佢係我醒目既女朋友真係無錯∼
最後就同佢講返一句：「我愛你♥」畢竟我鍾意佢咁耐都未講過一次
|
