有一個人,佢即使有盡天下間既財產
但係都覺得唔開心,點解?
因為佢身邊既女人只係為左佢既錢
如果金錢係買到愛情既...
咁一個純潔既愛情,係咪已經絕跡呢?
時代不斷咁進步,人既生活變得豐盛
而人對愛情既價值觀都大大改變
到底依家既愛情仲係咪咁恆久呢?
聽聞,愛情係有保鮮期,
一過左,果段愛情都會去到盡頭
就好似你知果樣食物係過期既
你都唔會走去食埋佢架啦,係咪?

由細到大,我中英數科科囉滿分
咁係因為...我係一個天才
但我估,如果「拍拖」係一門科目
我相信我努力溫書,溫到天昏地暗都好...
最後得出黎既分數都一樣會唔合格
呢次係第七次失戀啦...
唔通我需要學下點樣拍拖?
不過唔係丫...我係一個天才,居然要浪費時間
學D同我生活上格格不入既知識?
我晒時間修PhyChemBio好過啦!
到左中四啦,我發覺一樣野
有個成績麻麻地既同學
身邊居然有海量既異性朋友
佢真係睇岩邊個溝邊個都得
之後我請教佢,佢就教我四個字:甜言蜜語
佢仲教我,要放多幾支魚干,
因為咁樣就多幾個選擇喎
到底愛情係咪只係一種男女之間既欺詐遊戲?