故事係從yahoo 既桌球開始的,佢地係玩網上桌球而認識, 一路玩一路傾, 佢地仲交換左icq, 之後傾既野就越來越, 越傾越深入, 無幾耐知到左個女仔原來同男朋友鬧緊交,仲知道原來個女仔個男朋友對佢好差,所以就開始叫佢離開個男朋友, 相勸多時個女仔終於同佢男朋友分左手, 而且個女仔仲開始對呢個男仔有好感甚至慢慢咁開始喜歡佢, 有一晚個女仔突然同個男仔講:「不如我地玩網戀丫」個男仔心諗網戀唔洗負責任又可以有人陪下, 這樣就開始左佢地既戀愛啦短短半個月佢地由icq 轉到msn 再開始用語音,個女仔傾到第三句就話個男仔:「你好寸呀!!!」但聲音就是嬌小而帶點可愛既語調, 令個男仔沉醉係呢刻, 求其咁應左句:「下........哦.....」就係咁樣佢地就過左1個月。
漸漸咁個佢兩個不知不覺咁由網戀無聲地變成異地戀, 但個女仔對個男仔既要求亦日益增加, 有時嫌個男仔無時間陪佢, 有時又嫌個男仔掛住打機陪fd 都唔陪佢,所以好多時都為左呢D野而發個男仔脾氣,但每次個男仔都可以哄番個女仔，直到個女仔竟然話想見佢既時候....個男仔就嘗試阻止, (可能係因為怕見到之後就唔同左feel 啦)傾傾下個男仔傾到有d 炆就發左個女仔皮氣..係第一次用極差既態度同個女仔講野，就係咁佢地第一次既見面機會就係因為個男仔而錯過了。過左呢件事之後佢地兩個又好似之前咁係網上面談情說愛又過左個幾月, 個女仔不動聲色咁係一個星期日,自己一早由澳門去左香港既一個親戚屋企, 一個女仔一個人由上環去沙田其實無野,之但係一個唔係住香港既女仔由上環去沙田呢段路就真係叫人擔心啦....而呢一次既見面機會竟然係突如其來的。
之後個女仔就係親戚屋企online 咁岩個男仔又通完頂番家online , 個女仔當然即刻" hi " 個男仔啦...傾左兩三句個女仔就問:「你想唔想見我呀?」個男仔雖然想但係又係驚見到佢關係就唔同左, 所以個男仔只係應左句「想架，不過都無可能啦...」 個女仔就好快咁話「咁我而家過黎啦」, 個男仔當時呆一呆,就話「緊係唔得啦...下次啦下次啦，今日好累都唔知會訓到幾點....下次啦下次啦」...但係女仔就係咁話無所謂令到個男仔又發左個女仔皮脾氣，就係咁個女仔全日都係佢表姐間房度喊，喊到累就訓, 訓醒左又喊過至到夜晚個女仔返到澳門屋企後online 見到個男仔..
原來係男仔發完皮氣之後就同個女仔既表姐傾左一輪先知佢係香港....覺得好內疚同埋好想過去搵佢....可惜佢只係一個讀緊書同埋住係一個管得幾嚴既屋企，跟本無可能去澳門搵佢,所以就只有哄番個女仔, 哄左個幾星期鐘於個女仔再比多一次機會, 咁先至完左件事。
有一次個女仔就問:「你隻手指粗唔粗架?」男:「一般啦」女:「咁 買開咩size 既衫呀」男:「細碼或中碼,你問呢d 黎做咩呀」女:「下無呀哈 哈!!」就咁樣佢地異地戀既第二個月就過左啦....
第三個月開始....個男仔就開始覺得悶想分手用左好多方法暗示比個女仔知想分手但係每一次個女仔都唔信佢既理由拖下拖下就拖左半個月,個男仔最後既一個方法就係搵個fd 扮佢既女朋友厄個女仔, 開始個陣個女仔都唔信佢...但過左幾次之後個女仔開始避開個話題....仲暗地裡買左戒子同衫....諗住送比個男仔....在同一時間個女仔原來一直都有去睇醫生覆疹,但係個男仔咩都唔知...個女仔收到一個報告...指佢個病要做手術仲有一定個風險...唔做又唔得..個女仔有一晚就同個男仔講:「如果我有病..要做手術.....你...可唔可以陪到做完呀?.唔洗黎見住我架....好似而家咁....做我既男朋友就可以架啦......可唔可以呀?」......
但個男仔只係覺得只係如果, 所以就好絕情咁講:「我........我...對你已經無哂感覺了.......不如...我地分手啦.....」.....個女仔個晚就咁off 左
呢一晚佢去左同個fd 飲酒, 本來個女仔第二日就做手術結果就要推遲一日, 仲比人鬧左兩句...
之後兩日個女仔都無online
過左幾日個男仔見到個個女仔icq online 即時叫佢.....但回應既人竟然係佢表姐..........
佢表姐第一句就鬧:「你同我表妹講過d咩黎...佢入手術室前...同個醫生講.............女:「如果救唔番既話....就比佢"""安樂死""""」佢仲叫我寄隻戒子同件衫比你呀...兩隻戒子都刻有個"彥"字 咁你仲要唔要丫........
個男仔......就....好內疚同唔知點做...想去探佢又去唔到
個男仔就答:「唔愛了!」
就咁個個女仔既表姐將個兩樣野掉哂,同埋叫個男仔以後都唔好再搵佢表妹, 唔好再hurt 佢
過左一段好長既時間
呢個男仔試過好幾次既交往,但每一次都不足一個月。佢發覺原來對之前個個女仔仲有感覺,佢發覺原來無呢個女仔既電話同埋msn , 只剩番佢好耐都無online 既icq,所以個男仔就決定每日send 一個 offline message 比呢個女仔, 希望呢個女仔online 會見到,就咁過左三個月 每日都send 一個...終於見到呢個女仔回左一個offline message,..
而個女仔亦回應左一句……『我己經有男朋友啦...仲準備緊結婚既野,所以....』
(完)
|
