| «‹ May 2026 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2011 年 11 月 20 日 星期日  |
| 2011-11-20 |
分類: 未分類 |
我而家先知原來我好依靠你架,平時一放學,我都即刻去睇你,每日我都在等待,等待你星期日帯給我的驚喜,我愛你,海賊王
=]
|
| 2011 年 10 月 28 日 星期五 |
| 學生會內閣選舉 |
分類: 未分類 |
今年嘅學生會內閣有成四個咁多,而且D同學都好大膽,就係因為咁所以今日嘅投票+發問大會十分之精彩,首先先介紹下四個內閣,分別係uprise,speak,zenith,vitality!喺發問時間我竟然聽到一個小學同學問咗一個另全場拍囇手掌,老師都偷笑嘅問題:
「我想問下vitality,有一次我無意中喺字典度發現咗一個同你哋內閣個名好似嘅字,只不過係頭兩個字變成咗fa (fatality),仲連讀音都機乎一樣,意思竟然代表死亡,你地可唔可以解釋下,抑還是意思根本就係一樣!唔該曬」
然後另一D人又話:
「我想問下vitality,好多人都話學校係社會嘅縮影,現今社會有行政、立法、司法等制度,行政我哋有校長同兩位副校,司法我哋亦都有學校訓導組,咁立法制度呢?咁係咪代表學生可以自定校規,你地又會實行D咩措施去幫我哋爭取由學生定校規Li個機會!」
嘩,又係一句經典嘅說話............勁! |
| 高手如雲嘅一班 |
分類: 未分類 |
原來同我同級嘅同學都係高手嚟架!(除咗學業方面之外),就揾我嗰班嚟講彈琴5,6,7級嘅都有,跳舞方面拉丁同hip hop亦有,口才同畫畫方面都同其他班有得揮,體育就更加唔使講啦,無論係籃球,足球,乒乓球,溜冰,游水........〔雖然體操都OK,不過E班有個體操小王子,上年頒獎禮有八個公開賽嘅獎,好多都係第一名,其他都係五名內,個司儀講到好長好長,超級勁) |
| 2011 年 10 月 26 日 星期三 |
| 牛奶妹事件 |
分類: 未分類 |
水運嘅Lunch Time,我同yuki同esther食完自己帯嘅飯盒就出咗去揾超市買嘢食,我哋去咗一間嗰名好長嘅超市,佢嘢買咗D零食,而我就買咗一盒一公升嘅純牛奶,一路行一路飲(佢嘢覺得咁好怪,不過我就覺得冇咩問題),之後我地仲去咗間惠康,見到好多好得意嘅萬聖節裝扮工具,有面具啦,頭飾啦,於是我地就不斷影相,仲比個經理話添!
講番牛奶妹事件先啦,番番去游泳池之後,我如常地攞支純牛奶出嚟飲,飲咗幾啖就放番入袋度,之後就同D同學傾計,點知突然有人話:「喂,ⅩⅩⅩ,你漏奶喎!!!!!!!」基於生理反應,我即刻望下個胸,見到咩都冇,正覺得奇怪嘅時候就見到我個袋不斷有奶漏出嚟,可能係因為我扭唔實個蓋就放咗入袋,搞到D奶瀉曬岀嚟,唔單止同班同學,連坐喺我上面嘅高form都望住囇,搞到我超級瘀,死人Andrew仲要笑得好大聲,搞到越嚟越多人關注,我唯有急急腳走入更衣室,洗番乾淨個袋同條裙,唔好咁大陣牛奶味!
講到尾,都係多得esther,如果唔係佢吹我出門口,我就可以飲雪櫃D朱古力奶(星座運情話係我今個星期嘅幸運物)~Li件事搞到我好大陰影,下次水運都係唔好飲奶啦!
如果想睇超市影D相,可以去相簿度睇架!~(^o^)~ |
| 好耐冇寫Blog啦 |
分類: 未分類 |
真係好耐冇寫Blog啦,Li一排發生咗好多嘢啊,唔單止有好多小測,仲有水運會同啦啦隊添,最慘係一連串嘅Mid-Term Test等緊我,等我慢慢講出嚟啦!
先講下D唔好嘅嘢啦,最近果幾次小測都好難,加上我唔溫書嘅壞習慣,成績凈係緊緊合格~好傷心啊,份份試卷都血流成河,紅筆字多到爆曬燈~sad~
至於水運會,我冇參加任可比賽所以成日都好悶,不過都有D開心嘢架,我個社Phoenix雖然唔係全場總冠軍,不過喺全場關注嘅啦啦隊比賽就好光彩咁攞咗個第二(上年Phoenix包尾),好可惜發生咗「牛奶妹事件」,搞到我好大陰影!(如果想知到事件嘅起因,可以睇下一編日誌架!)~
最最最重要嘅係,聽日就係Mid-Term Test啦,頭一科仲要係考英文添,如果再考天才波,一定死得好慘!不過温習Li D咁麻煩嘅嘢,遲D先算啦!~ |
| 2011 年 10 月 14 日 星期五 |
| 2011-10-14 |
分類: 未分類 |
今年嘅生日真係好好好開心,收到成二張生日卡,100元加五份生日禮物添,最繁要係有成二十幾句生日快樂(包括fb),Lunchtime仲有好多人同我一齊食魚生, 今年嘅生日係過得我最開心嘅一次!
esther連垃圾,紙皮箱都懶得送比我,真係好失望! |
| 2011 年 10 月 11 日 星期二 |
| 主觀,客觀? |
分類: 未分類 |
我真係我討厭我同學嘅父母,人人都覺得自己嘅父母係一個好人,好介意人哋話佢地嘅爸爸媽媽,不過我唔係一D咁守舊嘅人嚟,當人哋同我講我媽媽點點點嘅時候,我一定會好樂意去聽,然後照直同番爸爸媽媽講,咁唔代表我唔孝順喎,我只係覺得好多時我地都會比關係影響唸法,人他嘅意見通常都會比較客觀,有咩改進嘅地方不妨知多D,直接同人講總比惡意嘅暗示好,可惜ㄚuㄚu係一個好着重父母嘅人,而對我嚟講,佢媽媽係一個好假嘅人,因為之前曾經佢喺我唔係度嘅時候同我呀媽暗示我琴技差,鋼琴走咗音都唔知,仲成日喺ㄚuㄚu面前講我壞話,可能你會覺得我好主觀,但係我有咩唔鐘意就會即刻講出嚟,可能就係因為咁,我同其他人嘅關係先會咁差=[ 
不過無論點都好,我係唔會因為要迎合人地改變自己嘅性格架! |
| 2011 年 10 月 10 日 星期一 |
| 「兿聚」之後 |
分類: 未分類 |
今日放學後去咗由東區幾間學校舉辨嘅「兿聚」展覧,要去中環大會堂,裏面唔單只有好多畫作同立體嘅兿術品,除此之外仲有兩位王者在場,係咪好奇怪呢,Li兩位王者就係「蛙王」同「魚王」,故明思意就係畫蛙同魚最勁嘅人!不過佢哋兩位都有少少怪,「蛙王」衣着好古怪而且可以見到好多隻青蛙,而「魚王」就即興同六間學校嘅學生畫咗一幅「異想天開圖」,為咗影低D畫同佢地嘅怪樣,我部電話嘅D位差D爆,之後走嘅時候仲有落雨,係冇帶雨姐嘅情況等咗架722巴士成二十分鐘,一值同胡啟航傾計,為咗補償自已,我特登買咗一包「Um春蛋」食,總算開心番曬!
 真係好好味桇! |
| 2011 年 10 月 8 日 星期六 |
| 冇預知嘅大食會 |
分類: 未分類 |
成日寫D唔開心嘅嘢,今日就講下D開心嘅嘢比大家聽啦!因為英文科有小組習作比賽嘅關係,於是大家就約定咗今日去winnie屋企討論,平來仲諗住只係好平常咁借個地方傾下應該點做,點知一上到winnie屋企佢媽咪就已經準備曬各式各樣嘅零食放喺張荼几上面,有好多糖啦,薯片啦,旺旺啦,仲要唔只咁添,就連檸檬荼,冰紅荼,蘋果汁,橙汁同豆漿都有,竟直就好似開大食會咁,好彩結果都個咗好多嘢,冇白費曬D時間,不過個肚就比零食同飲品塞滿曬,唔飽但係就好濟,番到屋企之後都唔知食唔食飯好= =!而且聽朝神咁早仲要去接佢地再傾過,真係鄧自己可憐呀! |
| 2011 年 10 月 7 日 星期五 |
| 電腦堂 |
分類: 未分類 |
電腦堂一向都係最free嘅堂,今日果兩堂我如常地喺電腦堂食糖(特濃牛奶糖),之後我諗番起琴日咗去一個神婆嘅blog叫做神婆blog,本來仲諗住好容易就可以揾到,但係原來係要打用戶名先得,之後esther話佢記得有Wing Li個名,之後我就記得Wing之後有一組日期,好似係19978XX,於是我再努力回想多幾次,結果就得出wing1997821 Li個用戶名,點知真係揾到嗰個神婆blog,我D記憶力真係勁!
睇咗一陣間星座運情同心理測驗之後,教電腦科嘅黎sir一肥佬黎突然發現咗我上Qooza並且睥住我,肥佬黎啊肥佬黎,你知唔知道你嘅眼神裏面表達咗一份凌厲同九十九份可笑  ,當我地對視嘅一瞬間我竟然呆咗唔識笑,我真係要去睇下精神科醫生先!
事不宜遟,快D去神婆blog做下心理測驗先! lucky! |
|
