星期六係我唯一一日可以訓晏Ｄ嘅一日

今日訓到十點幾先起身

食完早餐之後就去咗觀塘換智能身分證

8月4號先有得拎(太好la,有得係去澳門之前拎,咁就可以試下過e一道)^.^

跟住去咗黃埔行街,買咗對皮鞋

期待聽日嘅書展！！！

今日補英文補到一點,包包又冇番

見到發發曬傷嘅情況仲嚴重過我,佢話要去睇醫生

差唔多兩點番去學校預備做present

但係搞搞下都搞到成三點幾先開始

作埋篇文比miss cheung,差唔多成五點先走

跟住去英皇補習

尋日去咗石澳BBQ

朝頭早同winnie一齊搭車去油麻地地鐵站會合其他人

入到去筲箕灣先至買野食,入到去石澳差唔到十點

我哋班女仔去換泳衣先,可能換得太耐,出到去班男仔巳經燒緊野食

燒咗一陣就去咗游水兼玩水,今次係我第一次係沙游水

黃小盈同謝小雯比Ｄ男仔掟落水^^

游咗一陣就去咗影相同埋番去燒野食

跟住我哋走去玩水槍,超好玩

玩完先再去游水

游完水差唔多七點幾

成班女仔去沖涼洗頭換衫

跟住再燒過,燒到九點幾

我同黄小盈,曾小莉走先

其他人再晏Ｄ先至走

上完英文補課,同劉小騫去買past paper

點知佢問D唔問D,淨係知道搭9號巴士同埋係泰東樓落車

但係就無問係彌敦道邊一邊搭車

跟住打比劉小欣,問佢係邊一邊搭車,點知佢又講錯咗

搞到我哋過咗對面又過番對面>.<

跟住等咗超耐先至有車

去考評局買咗$709 past papper都仲未買齊

買完之後,同劉小騫去咗超市買野飲

我哋將支野飲放咗入雪櫃,過咗一陣先拎番^.^

今日要返學校註冊,約咗謝小雯佢地返黎一齊註冊

但係我要英文補課,所以9:00就返到學校

不過都有等埋佢地先一齊註冊

九點三打比劉小騫,佢話就黎到

不過成九點七先至到(劉小姐你真係好厲害)

註完冊,差唔九點十先去英文補課,上到去比miss cheung話咗兩句(預咗)

食家飯返到屋企諗住訓一陣,點知一訓就訓咗差唔多兩個鍾>.<

落街食完晚飯,諗住睇神雕合侶,點知阿媽話唔比睇