今日返到學校,見到劉小欣發脾氣

不過最後都冇事,真係比佢嚇死

今日miss cheung竟然早放,非常罕有

不過暑假嘅開始,亦係惡夢的開始

因為暑假要日日返學補英文,日日3 hrs

尋晚睇世界盃睇到五點

所以今日上晝冇返學,淨係下晝返咗去補課

今日miss cheung 又遲咗成個鐘先放人,簡直係悲哀

意大利竟然捧盃,超級過份

如果唔係施丹被紅牌趕出場,意大利根本冇機會贏

施丹一時火遮眼,頂人心口,咁就game　ｏｖｅｒ,可惜可惜!!!

不過施丹都掛靴唔踢,所以佢都唔怕被國際足協罰停賽

我把所有的事情都拍下來•人的頭腦太過複雜

時間久了•有時自己都會比自己的記憶騙了

我總以為拍下來的東西•才是最真實的•結果原來是不是的

今日因為媽咪病咗所以冇返教會

所以係屋企睇碟,終於睇咗劉小欣借比我果隻"猛龍"

劇情都唔錯,不過結局就唔係咁好

爹D始終都唔肯買部琴比我

佢話要我考到8級,先至肯買比我

今日訓到成十一點幾先起身,之後全家人一齊去咗飲茶

返到屋企作埋要present果篇文

跟住走咗去玩電腦,之後發覺自己原來係唔識用PhotoImpact

搞咗好耐都搞唔掂,最終選擇放棄,遲D先去問人

今日超早就食咗dinner

之後去咗黃埔行街,比我睇中咗部近乎perfect嘅琴,超想買

個sales話全球得十部,而且部琴靚過YAMAHA D琴

過咗媽咪果關,仲有爹D果關未過

如果爹D應承埋,部琴就到手架啦！！！

今日化學堂因為班房個喇叭太嘈,所以去咗506上堂

上咗三堂又去聽講座,超悶呀!!!

所以成班女仔係到玩,不過比余sir話我地太嘈

今日英文補課遲咗10min先放,都算係好咗架la~~

放學果時係度等小荷,但係最後都等唔到,走先

返到屋企,啱啱好趕到去學琴^^