7月3日    晴

exam第一日派卷 

記得tam sir話過   好多時候

F.1-F.3  成績唔差既   F.4-F.7  成績會直落

反而初頭差   F.4-F.7 會不停升

雖然我唔係好信   但事實擺在眼前

chi唔合格   ....   其他科唔見得好得去邊

我只會憎自己點解唔再努力啲.....

"運動家的風度".....

緩和下先   今日放學第一次撞正瑋姐

行到天橋既時候    佢無端端拎轉頭  對住我笑= ="""

(可能係我錯覺掛  但佢真係笑著望後)

之後3秒左右  佢又拎過黎  又係笑著

心諗:  你唔係以為我跟你返屋企呀= =""

放心喎  我唔會跟你返屋企  更加唔似你前面嗰個咁非禮你

唔駛等多6年   我諗你已經有答案

因為我唔夠佢地高分..   十分•愛   我值幾多

星五晚先睇左試愛

得一個感覺   林生係個大白痴

老婆對自己咁好  都要攪咁多野

7月2日    晴

星六一早返左大陸探親    咁就冇左兩日假期咁

冇返大陸三年喇    今次屋企人係都要我返   到依家都仲唔係好鐘意返

但好多野都變左好多...   但係大陸人既衰野仲係冇乜點變

總結唔鐘意返既原因:

(一)   又要迫又要等   又要衝又要趕    精神轟炸

(二)   成日要受大陸人既粗口轟炸= ="  特別係你要爭上火車既時候...

(三)   成日要扮乖乖仔  <---扮既意思係  你要係親戚面前  思前想後你既詞藻   對咩人就用咩既語氣

         (因此有一妙法:   當對方唔問你野  你自己千祈唔好出一句聲)

都有記趣既:

(一)  自己4年前左右做左人阿叔    今次第一次返去探姪仔姪女

       有個姪仔叫   "楷楷"   (佳佳)    = ="""  XDDD

      大家知咩事啦....    屋企人唔知我既花名   

      今次俾真正既"佳佳"   叔叔前叔叔後   "佳叔"!?

(二)  石龍原來係"舉重之鄉"= =""   唔知會唔會遺傳...

(三)   發覺父系家族既來頭都唔惹少....

exam都有一件事記下:

有一日下晝  呀媽話要我浸冬菇  等佢今晚整

我唔識浸   用左凍水= ="""

後尾佢問我  "你用咩水浸?"  

心知不妙    "係咪用暖水!?"

"冇呀  我用左凍水"

"咁勁既...  平時我浸幾個鐘都未發得哂   今次你用凍水浸一陣就得."

跟住嗰時做緊日式麵包      "擁有太陽之手既少年東和馬!"

XDD  望下自己隻手   浸冬菇專用 太陽之手

6月30日         晴  間雨

6月最後一日    考試最後一天

完喇......     完左反而仲唔慣

返到屋企    比考緊試嗰時更想訓   真係人既惰性

算啦   考完試  抖下都好應該

團契    我只係希望暑假過得充實啲

希望今個暑假做多啲運動      .....我既球技   唉..

下晝  食飯計數   好抵呀都   27蚊---->又飽又多款又有水吹

黃sir講野好正 :  我後生嗰時開角球   射左個香蕉波   彎入左

?? :  你既頭鎚  唔係最勁?

黃 : 唔係   嗰球波個龍門企定定  唔識郁

(sth like that)

之後我地勁估當時情形  總之一句到尾  係我地唔信佢做到

返家  訓   打機   tv   人龍  (記得細個好鐘意睇   仲記得結局係"小魚"死左   好慘)

晚    離譜的

人地話做廚房既火氣盛    呢幾日都唔覺  但今日就明白哂

整左個唔知咩蛋花羅宋湯    狀似嘔吐物   我見到舀幾舀  話左句"好嘔心"

即刻發狂   爆哂粗    我分人最憎就係人爆粗   仲要對屋企人爆

忍到食完飯  仲係久唔久就一句   

如果我第二時做到人地爸爸   我一定會好好對仔女!

唔開心既時候諗起你   反而想喊...