4月13日     陰 間中有大雨

今日忽然有衝動開個日記打下

但淨係驚無恆心去打....嗯  就是這樣

唔用xanga<---太煩  唔識用    

見jj用呢個試下 都ok   起碼多母語=v=

噚晚同lb chat 到好夜 

討論  xx=廢  既問題...

今朝破天荒9:45先起身

見到張飯枱到  阿媽寫張memo  話我知lunch煮咩飯

臨時醒起  阿姨同阿婆叫我地去飲茶

等阿媽晏晝打電話黎話俾佢聽便行了....又不用煮  真好

成個朝早都好悶   漫無目的咁上網 又唔想做功課

夠鐘  1:30到  換好衫去迎囍   對於揀野食已經冇哂興趣

阿婆同阿姨不停同我討論表妹升中問題。

嗯 佢揀左沐恩，做咩仲問我....

我表妹話cpu好嚴  唔會揀 

跟住我同佢講:你睇我成日打機唔溫書  就知道cpu唔係咁"惡"架啫!

我喺12個表兄弟姊妹中  排行最大   升中問題真係講唔少

我都睇住佢地出世  睇住佢地大   自己好似真係老左咁...

同枱最細係我既8歲表弟   佢同佢家組仲有我呀妹玩得好開心下

諗起以前自己都係咁  "憶兒時'....

依家冇哂興趣...反而同啲大人吹下水仲好啲....

仲唔係老左= =""

其他大部分時間都係呆坐著   喝茶  食野

但畢竟係未成年    見到表弟部暴龍機  用手推下部機

點知表弟見到衝過黎撞我   坐喺度一手頂住佢個頭= =::::

返家諗住買"魔幻王國"睇   算喇    慳$$   返家

行返去既時候  見到stephy聽日會喺超級城攪fantasy第一個簽唱會

有啲想去趁熱鬧  

跟住又無無聊聊咁諗野

歌星都係人   只不過多左知名度

歌星係人  但人唔一定等於歌星  

但若果俾我見到stephy  我其實只係見到一個有名氣既人  冇咩特別開心

何況佢唔識我 我唔識佢

總結黎講...大家係普通既陌生人  

傻了  寫了這大段廢話....

呀媽要看夜  早就返左屋企訓   我做amaths一樣hw先啦= =""

跟住煲飯  洗菜   之後啲野留返俾佢整

然後上左陣網

咁岩見到平時好少on既佢 on左

好想同佢講幾句野   whatever講咩都好啦    但又諗唔到啲咩

不過佢通常on既原因都係因為要做hw

同佢chat只會阻住佢   算啦   唔阻住佢喇   你要俾心機呀!!

跟住nicole同我講話:士梨叫n幫佢問候佳佳

我:邊個士梨?

n:蔣經偉

大鑊  因為n  佳佳呢個名會越黎越出名   lb快啲同我攪返掂佢!!!!

食完飯  吸塵

好  做amaths  好難  唔識

同9良玩warsheep  都算係險勝....

阿媽走左嚕...不過其實都慣左自己一個人   阿妹去左訓覺

之後去左間  桑拿+fitness room既混合室

就係去廁所洗校服

白褲先攞你命=口=!

個廳開左冷氣   吹都入廁所

但仲係洗到流哂大汗= ="""

沖左涼=冇沖涼......

不過唔好成日洗  間中一兩次練手力都唔錯

係時候同阿媽提議下  將白褲用洗衣機洗...

嘩   第一篇就打到咁長....

下次唔會架喇...