又到左星期五~ 不過尋晚打完籃球真係好攰
喺張床碌左好耐先瞓得著~ 不過依然7點起身~

今日返到公司又係聽下903~睇下凸區四圍睇下~見到好多星座既帖於是又入去八卦一下
星座其實都幾神奇、幾特別~ 點解一個星座會同人既性格有咁大關係呢?
其實好想知多d，不過又懶去睇相關既書同資料，不過算啦~正如師父所講"xyz@#!~你學得幾多樣野，專注去做掂最想做既野先啦"
其實都係既~如果我一直真係盡全力做~依家都可能已經唔係坐響度寫哩個blog~

跟住又睇到一個動漫區既舊帖~關於叮噹既結局，早排響youtube睇過~所以又搵返黎同大家分享下~

搞左一大輪吹左陣水~到左下晝就終於捨得搞返下T-Shirt既logo~ 原本尋日仲係有黑色同深藍既衫做底色既，點知今日send左d布既sample黎到變左~~~ 蕉蕉黃~ 螢光黃~同埋 棕灰色~ 撞鬼囉~打死都唔著.....腦入面只浮現 Ho-La La派既design 同 五色戰隊.....

hea 下 hea下終於放工~ 搭船返香港出席combo飯局~先去左尖咀食日本野~一坐底就不停傾不停傾~~ 埋左單仍然不停傾~
佢地提到想搞過聯展~ 雖然我都有d想~但係我又冇乜野可以放出黎展覽喎~

最後去到旺角打邊邊~ 其實已經攰到死~ 好似好忙咁走黎走去~ 去到食完野就開始想瞓想瞓~ 一隻二隻又孖寶賽車~搞到我更加心郁郁買ndsl~~ 快d 找返澳洲d單俾我啦..... 幾千蚊想拖我9年咩=.= 我又想買車 又想買nds 又想買相機 又想換電話 (根本都唔夠錢買咁多野)

終於都寫完第二次既日記~ 不過都開始唔知寫乜好~ 總係好似冇乜好寫咁...點解睇人d blog好似咁得意~ 自己寫好似咁悶咁架....