估唔到都係美食令我返黎再寫blog
星期日返到澳洲o係八百伴行街街~發現和牛特賣~
買左一塊黑毛和牛牛扒 成惠三百多元 另送數個黑毛和牛免治漢堡扒
牛扒最好放蔬果櫃桶可以短存幾日 漢堡放冰格保存
據推銷的叔叔講 揀和牛最重要睇脂肪分報 要均勻鮮明
^^ 第一次食咁貴既牛扒
當然要好好做下資料搜集
根據上網搜尋回來既資料 和牛食法主要食法有 火鍋、刺身、煎 以及 燒
而煎 及 燒是最合適產於日本的和牛(原來也有其他國家引入和牛的 例如澳洲也有和牛的)
因為日本的和牛脂肪比例特別多 所以肉味比較淡, 所以煎 或者 燒 能夠領和牛更香
而日本和牛的賣點就是那種入口即溶的口感
所以只需要少量海鹽 黑椒就可以
依照了推銷叔叔教導的煎法 中上火 每面煎25秒 每面煎2次(可是或者牛扒太薄 比我想食的熟了少少)
(由於平底鑊唔夠大~ 砌開成2塊 不過意外地易砌 只係用生果刀輕輕一拖就砌開左)
另外臨時加左碟芝士焗露筍
先飛水放上芝士焗 (哈哈 由於冇焗爐 只好燒紅平底鑊反轉蓋住成碟去焗)
 
雖然有dd熟左d 變成了8~9成有d可惜 但和牛入口的感覺依然令人感動
o係口入面那種鬆軟溶化的感覺只有和牛這種脂肪分報先會有
但亦因為脂肪好多 所以真係少食多滋味 健康理由係其一
其二係扒始終要即煎起熱辣辣果陣就食 (所以真正食扒的餐廳碟既溫度都好講究)
太大塊食到尾段的就會失色好多 而且始終重點係食口感 食太多就會開始麻木
食完唔夠喉 加煎2塊和牛漢堡
同樣聽取推銷叔叔教導的煎法 每面煎 1 mins 而且要蓋上鑊蓋 反複煎
不過由於臨時加單 解凍時間唔夠 所以大約煎左6 min 中心部分先熱透
用筷子插入去睇睇中間夠唔夠熱既時間 睇見肉汁湧出黎
哈哈 由於漢堡入面和牛牛肉比例多好多 煎既時間已經超級咁香同多肉汁~
所以煎好果陣已經無法忍耐去影相~~
|
