今朝慣常地7點起身~沖涼~煮個火腿一丁~大概8點零鐘返到公司~ 第一件事就係打開櫃桶搵返尋日漏低既電話~ 收到sms得知原本今晚約好返香港既飯局改到聽日~~衍生三個好消息同一個壞消息~~

好消息1~今晚可以去打籃球~~ 好消息2~ 有機會出席聽晚小丸既b-day 飯局(一晚2餐飯~肥死~) 好消息3~ 唔水食完趕餐死返澳門~~

不過就要放飛機~~ 聽日放工冇得去反kart仔……

不過算啦~3:1~賺左

今日喺公司繼續上網搵下工~ 幫個fd搞下佢d graphic野~~ 上凸區吹下水咁又過左大半日~~ 丁你個頁……日日都咁返工 都唔知做乜…..到左下晝終於有人黎搵我做下野公司又印T-shirt 要我做幾款唔同色既logo去襯，其實都真係冇果樣整果樣…. 搞gaming開發既部門冇game做，日日搞下哩個logo 搞下果個logo咁~ 不過算啦~好過冇野做，但係又呃鬼我又話send d logo既file俾我，我等到收工都唔見…. 要我打去追先有冇計~聽日先做~~

收工前又有一位新既女同事搵我幫手，要將PowerPoint入面既圖轉返jpg，好心幫下佢點知佢打返黎…
女同事    ”你print screen出黎俾我架?”
我            “係呀”

女同事    “print screen 我都識啦!!”

我          “吓~咁你其實想我幫你d咩呢?你又話轉返jpg???(心諗﹕你咁醒咩都知就咪鬼搵我啦真係火都黎)”

女同事    “我想要返佢原檔呀~”

我          “我冇架喎~哩張野先人遺留落黎架喎，你想要分返哂layer既file呀??”

女同事    “唔係~我想要jpg……”

我          “依家我俾你既咪jpg囉!?”

女同事    “我要黎做招聘廣告既bg架!”

我           “咁…..哩張有咩問題?”

女同事    “太細張”

我           “咁本身monitor display 係72ppi~ 你拎去做output係會冇咁大張架喎，張圖係咁大我冇得變大佢架，夾硬發大會起九牙架喎”

女同事    “我果陣讀過話可以逐少放大架!!”

我           “係~ 放大少少係唔覺，但係唔代表無限次逐少放大就唔會出九牙”

女同事    “咁點呀?”

我           “我幫你睇睇依定實際size 有幾大先啦~(數十秒) 如果印報紙 150dpi大概都有 17cm x 14cm架喇~”

女同事     “吓~ 但係我諗住要A4咁上下既size喎”

我           “(有招聘廣告要咁大張既咩….. 聲名啟示咩…定係你諗住印傳單請人….)咁呀… 但係張圖本身1024x768…. 個比例一定做唔到A4 size架喎，最多都只係可以放大到接近A4囉~ 其實依家都大概有3分1既A4 size架喇~ 做招聘廣告…. 其實我覺得夠大囉，定還是你一定要A4咁大張，咁我聽日幫你做一張類似既俾你”

女同事    “你點做唧~你都冇果d野喺手~”

我           “(丁你個頁! 想點呀八婆~) 係呀 所以我話做張類似架囉，我諗除左公司logo一定要o岩之外，其他野唔係限得咁死既唧…..”

女同事    “好啦~咁我諗諗先啦”

冇做freelance之後真係收哂火…… 點會忍架…..

真係嬲嬲地，好心幫你仲阿芝阿”draw”

放工後終於去打籃球~好耐冇打喇~~攰死人，不過正好可以發洩一下

白薯真係衰~引到我又想寫日記~ 搞到我打完波攰到死~依家仲未瞓

哈哈 不過唔知哩次又可以維持幾耐呢

十個攰~係時候去瞓