今日由於特殊惰緒~決定寫返廣東話一次~

今朝終於可以睇返下卡通片，一口氣睇過忍者亂太郎同小丸子之後~就準備下一陣interview既野

2:45pm~
我到左有線大廈，同接待人員交待過之後，等左10分鐘終於有位大嬸出黎接見我
講左一輪客套既見面說話
佢就問一大輪點解我會去澳門做野、點解依家又想返黎做野、不停重覆向我表示香港做野比澳門辛苦、壓力大、要求高......等等
我不斷回應佢~ 係~明白~了解~~ 等等
(我好想講~ 我都係香港長大的~ 我去左澳門做野只係半年，我了解2度做野既氣氛既分別~ 不過我都有睇過貴台既新聞，你地既野要求有幾"高"同"嚴謹" 我係心中有數，而且唔好諗到我會睇唔出你地做既野"邊d係真野" "邊d係cg"先得架)
去到佢地新聞部製作graphic既大房，叫我填左張入職申請既form~
終於開始會談~
大嬸似乎對我提出既要求好有意見，開始嘗試去打擊我
你~未做過電視台喎~你用既software同我地既唔同喎~ 你中文輸入只係速成咋喎~
你~有冇誤解夜班既意思呢~ 我地通宵工作10個鐘好辛苦架喎~
"我之前做電影同做後期製作既freelance既工作經常都返通宵架~我唔覺得有咩問題喎"
"我之前做freelance不時都有接到一d返studio連續工作個多星期~冇得返屋企~每日都工作超過17個鐘的"
大嬸    : 我地哩度做野唔同freelance既 我地d野唔係做一次就收貨，要不停改~做完又改~既
我       :哈哈~ 我做左幾年freelance都未試過接到咁好既job 做一次就唔哂改，莫講話做job啦 做功課都冇可能啦
大嬸    :嗱~你要求到咁高人工~ 我俾你唔係問題呀 又唔係我既錢, 但係俾得咁多既人工你 對你識既野、要求就會高好多架喎"
我       :好合理丫~ 我冇諗過有份工會出哩個價錢俾我，而又冇要求 又唔駛我做既
大嬸    :但係我地請返黎既畢業生~人工低你好多~而對電視台既了解又多過你喎，如果日後工作~你遇到唔識既野要佢地黎教你~
           你會唔會覺得難受丫?
我       :我唔識佢地教我......有咩問題?好正常架
大嬸    :好多人初初都係咁講~但係最後都係唔鍾意囉~尤其你做左咁多年野，反而要個畢業生指導你~你唔覺得hard feeling咩?
我       :哈~ 人人都總有野係你識我唔識~我識你唔識架啦，我唔識佢教我有咩問題~ 
           你咁高資歷都唔會乜都識啦~如果你要問其他手足你會覺得羞愧咩?
           我覺得重點應該係大家溝通上係用咩態度同語氣囉~ 如果態度差~我覺得佢講任何野我都會hard feeling囉

大嬸變得無言~ (其實我已經唔想再同佢糾纏~ 就算佢肯俾我要求既人工~ 我都唔想做)
本身想連佢d test都唔想做就走~~
不過又唔想俾佢覺得我真係廢人黎呃飯食~ 所以都做埋先走~
佢最後睇完都冇說話好講~ 仲叫我返去做多個virtual set 俾佢地睇睇~
但問心我又真係唔多想幫佢做~ 反正我都唔做哩份工~

激死人~ 原本好地地~睇完卡通片既好心情俾佢搞到差哂~~
之後就去左旺角行下，原想搵間cafe 坐下 睇下書~
不過事實上我又真係冇乜心情~ 最後上左信和行下~
最後仲忍唔住買左部ndsl 黎氹返下自己開心~~

yeah~~ 開心返哂~~ 哈哈
不過個銀包好唔高興~~ 哈哈~~ 我之後會努力d搵返d錢返黎架喇~~(再買其他野)
而且今日仲係一個大喜日子~~ 就係車人重出江湖~~ 我都上左佢屋企探望一下佢~同佢隻仔仔~~(仲有最最最重要既~就係抄game)
之後阿lok放工返到黎~ 車人~Dr. 尹~同埋我  4個打的去尖咀打邊邊~~
哈哈 好多人~~ 食食食食~~ 傾傾傾傾~~ 玩玩玩玩~咁就過左幾個鐘~~
再提起見工既事都仲嬲嬲地~~~黎~ 俾多支可樂我~~

食到飽哂~~就同路曹丸~過左銅鑼灣食甜品同睇變型金剛~~
繼上星期見到白花油王子~
今次居然又遇上詹瑞文~~(其實入去坐底就已經見到好多詹sir既相~~不過冇諗到真係會見到佢真人)

變型金剛比我預期精彩~~ 哈哈 好懷念以前睇既卡通片
不過當佢地變哂型 其實好難分辦邊隻打邊隻
好彩博派有d顏色~~
我都好想有架大黃蜂呢~