搵唔到工最大問題係咪出係我度？係我冇放足心機抑或係我太懶惰？我深知如果我有工開你會比較安心，我明白新聞報紙話失業率下降咗，但我竟然做咗其中嘅一個失業者你會感到唔舒服，但係我又可以做d乜嚟補救，失去咗就係失去咗，我同你嘅心情一樣，難道我想遊手好閒過日子？或者你會認為我係d咁嘅人，我冇辦法去改變你嘅睇法，我係就係可以選擇唔聽你講嘅嘢，不過我份人就係鍾意聆聽別人對我的睇法，我控制唔到自己嘅耳朵，所以每一句hurt到我嘅說話我都會聽得好清楚好仔細，呢一刻我真係過得好痛苦……至於Sunny問及果種情況，我仍然可以話短期內應該唔會發生，不過我唔排除以後會唔會發生。