讀四科嘅Semester終於完結，不過對於考試嘅result，有d擔心…知道tip唔到題放棄咗去tip，頭果兩科，選擇咗去死記內容，但考嘅係吹水題目，溫完同冇溫唔知有冇分別，答完同冇答同樣地唔知有冇分別；最後果科就背極都入唔到腦，諗住考試考application多，應該影響不大，但考背誦…考完試之後果日去咗迪士尼，遇上幼稚園搞畢業典禮，令人數變得更加多，排隊至少要排一個鐘…今次終於睇到”米奇金獎音樂劇”，大部份時間用嚟行逛souvenir shops，當日朝早仍然落雨，晏晝竟然天朗氣晴，十分炎熱呢！近期好多人都去旅行，搞到心郁郁好想去tim，不過冇錢去唔到…剛過去嘅一個星期我同事放咗annual leave，果四日做到…勁攰，一早知道要handle嘅tasks唔少，見之前放假考試同事都能夠應付自如，但…果然一日同連續四日係好大分別，今日做唔完，聽日都仍然係得一個人handle，不斷堆積唔係等於可以唔做，一星期最後果日點OT都要做完先，慶幸剛剛係Semester break，唔駛趕住返學亦唔駛take revision。

時間過得真係快…講得出一定會做得到，起步固然係困難，不過經過一段時間就會適應同熟練。所謂介意與否視乎怎樣想，變完再變已經係一個模式，要識嘅嘢學會了，需要協助時隨時也可以，問題只係唔相信…暈眩之時聽得多人話眼前一黑，如果眼前一白代表什麼呢？由正常望到嘢到突然眼前一片白色，真係好恐怖！今個學期遇上一個奇怪嘅lecturer，問mid-term questions種類可以答”I cannot comment on that”，presentation內容可以comment因為個example之前用過所以要novel ideas，咁一早present嘅咪好著數，認真奇怪。

萬事起頭難…過咗一個星期，都仍然未settle好，無論是否低估了複雜程度，都依然要努力解決，呢d就係現實。變化多端已經係不爭嘅事實，要學習嘅係如何面對changes，就算吃力不討好都要繼續，因為受人錢財就要替人消災。其實一切不是想像中那麼繁複，只是需要時間去稍作處理。

雖然好似好殘忍，不過…都係迫不得已，人在江湖真係會身不由己，如果唔係有壓力，可以容許嘅都會繼續容許…當中隱藏咗幾多內情有邊個會真正知曉？唔係唔去作出憐憫，但…可以做到嘅係乜呢？既成事實，根本無法改變，每一件事情都係一個經歷…冇人改變到他人想法，與其去猜測有冇怨恨，不如專心做好應該要做嘅嘢…需要重新安排，其實都唔係一個big issue，take it easy。

今日出現嘅情況，似曾相識…或者呢d就係現實…係咪只有呢個方法？一下子推翻駛之前嘅想法…當初決定嘅時候如果諗得唔周詳，就唔好去進行，就係只base on某幾個人嘅說法，就作出相對嘅安排，會否太兒戲呢？到最終…只會導致今日嘅局面…每一次進行呢個action，都會造成相對嘅影響，如果真係一d影響都冇，講出來都唔會信。有邊個唔話多嘢做，擺明就係過份誇張…

其實乜都假，只要專心一致去做好自己已經足夠，好多嘢根本不能控制，事實擺在眼前，問題是接受與否，曾經出現過嘅想法，彷彿是多餘，但無論如何，經已過去了，試驗後得到什麼後果，自然會引起相對嘅行為，唔好去奢望任何嘢，期望越高，失望越大，呢一刻可能感到好痛苦，不過當下最主要是什麼呢？每個人觀點與角度都會唔同，好多嘢不可強求。

病倒了…同旅行識嘅朋友仔行完山翌日開始已經作病，仲以為免疫力可以抵抗，點知越來越嚴重，前前後後睇咗幾次醫生，病情仍然未見好轉，明明行山時著夠衫，都唔知發生乜事，搞到極度唔舒服…今次真係打敗仗，差唔多病咗兩個禮拜，好辛苦！！最近心理質素唔多好…多得上次嘅飯局…其實一切唔係隱藏，只係selectively去理會，身邊發生嘅每樁一件事，是否存在著陰謀？當諗嘢諗向正面嘅時候，係咪等同於欺騙去相信是正常不過？比足心機去做，換來嘅係永無休止嘅唔滿意，要點做先可以被認同？要做得比他人多，但為何得到嘅比他人少？What make differences?

瞬間返咗學已經兩個weeks，今個semester真係一大挑戰，選擇咗take四科，其中三科要做project兼presentation…至於工作上，之前handle嘅duties經過旅行一役經已pass out駛，pass out咗就係pass out咗，根本收都收唔返…不過唔放手又如何有時間接手其他嘢，問題只在乎有冇嘢需要接手…近期開始應付第二階段嘅issue，但…所謂嘅hand over原來係要自我摸索，開始懷疑係咪只係部份人一廂情願，當中可能安排上會比較困難，不過…口口聲聲講到要彼此協調…唔係唔去作出主動，主動過後等到嘅是什麼呢？唔願意去share知識唔緊要，但都唔應該塞人食死貓…

去完旅行翌日就要返工，其實真係好疲累，既未病愈，亦未休息足夠，不過假期有限，都冇辦法呢！前段日子返工真係好busy，好多嘢都好似唔可以settle好，不過呢個星期好咗好多。有時真係好無奈，宜家唔駛返學就冇咁忙碌，現實總是沒有理想情況出現…今個星期開始要add-drop科，原來add-drop可以令人膽戰心驚，竟然drop完add唔到，果一刻真係極度擔憂。

去完八日東北三省之旅，好開心過咗一個白色聖誕呢！

Day 1 (20 Dec 09): 朝早仍然為旅行物品作準備，晏晝就出發去機場，點知…原來班機因為機件故障要delay，結果由原先7:00pm拖到11:45pm先可以正式起飛，係香港機場無聊咗大半日，但delay總好過要cancel。

Day 2 (21 Dec 09): 零晨先到達瀋陽機場，落機一刻已經有第一個考驗，一早已經知道東北三省氣溫比香港相差三十度，但諗都冇諗過要搭接駁巴士先可以辦理離境手續，在沒有任何裝備下由飛機行過去接駁巴士，真係…凍到震。之後返酒店清洗完瞓得一個鐘就morning call，之後就真正開始行程，去咗參觀張少帥府同乘車遊滿清一條街，買咗對雪boots禦寒，之後就入吉林。

Day 3 (22 Dec 09): 由於氣溫唔夠凍，睇唔到霧淞樹掛，如果要睇一定要fulfill兩個conditions，其一為氣溫需在零下二十五度以下，其二為風速不能超過三級。之後分別去咗龍潭山養鹿場、世紀廣場及北山公園，在世紀廣場遇上路邊攤檔，食咗冰糖葫蘆，寒冷天氣食凍到入心嘅食物，好一個另類體會。緊接著乘車入哈爾濱，dinner食咗俄羅斯風味大餐，仲睇咗俄羅斯表演贈興。

Day 4 (23 Dec 09): 首站去咗滑雪，原本係最desire嘅一個活動，不過……諗住開開心心玩一餐，上年係韓國學咗基本步，今次請教練要比$$，見時間唔算長，咪決定唔請教練，正正因為冇教練在旁，開始時經常被staff截停，仲話唔請教練就一定唔識滑雪，極度反感，之後同導遊反映過後幸好情況有所改善，試咗兩次由半山直滑落去，真係好爽好舒服。滑雪後係影相途上領隊突然開雪戰，雖然已經病病地，但比人攻打後一定要反擊，結果比人搞到成身濕駛，不過玩雪戰嘅機會又有幾多呢！之後去咗防洪紀念塔同斯大林公園拍照，最難忘係附近冇toilet，要好鬼祟走入一間估計係五星級嘅酒店借用toilet，最後去咗冰雪迪士尼遊園會，有唔少冰雕。

Day 5 (24 Dec 09): 去咗聖索菲亞教堂廣場影團體照後去中央大街觀看特色建築物，再去松花江欣賞上咗年紀嘅公公婆婆冬泳表演，冰雕用嘅冰塊就係用松花江結成的，可想而知溫度有幾低，所以公公婆婆真係好叻。及後去咗俄羅斯工藝品商店，有好多俄羅斯特色產品。今日嘅活動最緊湊，之後趕往東北虎林園睇東北虎，撞上塞車搞到時間太緊迫，原本應該乘坐園內提供嘅旅遊車近距離睇東北虎，由於需趕及下場而棄用了，用咗一路乘搭嘅旅遊車，但size實在太大架及有積雪，行咗一陣由於過唔到閘口需return back，冇欣賞駛整個園的確有d可惜，但司機嘅技巧令人佩服，中間差d出現翻車嘅情況，不過司機最終都安全離開。最後一站係冰雪大世界，今次就係冰雕加雪雕，但入場時出現咗一件好氣憤嘅事情，就係一心打算方便工作人員撕票根及令票不損壞，事前撕咗個開口，但staff竟然話張ticket唔認數，嚴禁入內，完全唔明點解會唔認數，都未斷駛，d staff不但冇腦，而且食古不化，最終要麻煩領隊同導遊，極度唔好意思，亦知道以後唔好用一d多餘嘅steps。是日收到兩分禮物，一份係雪條，另一份係平安果。而dinner去咗冰屋食火鍋，要坐冰櫈呢！

Day 6 (25 Dec 09): 聖誕節，終於見到落雪，好應景。離開哈爾濱之前去埋最後一個景點—太陽島公園睇雪雕，雪雕位置同入口有相當距離，於是乘坐了專車代步。及後轉往長春，參觀了偽滿州皇宮及東北三寶店，再乘車遊文化廣場。返到酒店突然覺得個trip太長，好想快d返香港呢！

Day 7 (26 Dec 09): 今日全日都係坐車，由長春去瀋陽，predict四個鐘嘅車程變咗七個多鐘，因為尋日落咗雪，道路舖滿了積雪，部分高速公路甚至被封閉，落雪係會引致問題出現。東北三省景點有個特色，就係office hour只係早上九點至下午三點半，車程prolong後要adjust行程，變咗去中街逛街，寒冷嘅天氣，一有機會就會行入室內保暖，而dinner食咗小滿漢，彷彿變咗皇后比宮女服侍。

Day 8 (27 Dec 09): 最後一日，金融博物館因為被關閉，lunch補償咗人蔘汽鍋雞特色餸菜，瀋陽除咗要去少帥府，一定要去故宮，明顯地天氣開始降溫，行咗一段路已經覺得勁凍…去機場時見到好大霧，擔心航班要delay，慶幸順利準時起飛，到達香港機場攞埋行李已經晚上七點幾，原來香港剛剛又有寒流吹襲呢！