今日係Sunny嘅生日，在此祝生日快樂、事事順利！

尋日好開心，因為天公做美，令Disney之旅成行，天文台predict有驟雨，足足擔心咗一個星期，但當起身後見到竟然一滴雨都無，再加上見唔到好黑嘅烏雲，未出發已經先興奮。雖然比預期遲咗少少先到達，但幸好一整日都唔算多人，參與駛所有活動，惟一可惜係有兩項設施因維修保養而暫停服務以致不能participate，係就係有d美中不足，不過仍然不亦樂乎。不過唔知係咪玩得太投入，回家後蓋上眼之際feel到天旋地轉，彷彿仍然處身於包含著旋轉如"咖啡杯"、"space mountain"嘅遊戲中。唔知點解，自從讀咗part-time，每個semester完結後總希望搵樣嘢去relax吓，繼Semester A去咗韓國，Semester B就去 Disneyland，咁 summer完應該去邊呢？

請咗一日假，本應放低有關工作上嘅問題，但同事嘅一個來電，知道麻煩咗同事去follow，back home後為咗睇下個跟進狀況而check email，點知…發覺咗另一件令他人麻煩嘅事情，一切都係careless mistakes所止，真係好唔小心，如果沒有錯誤就唔會麻煩到其他人，偏偏遺下一堆”蘇州屎”……

一路擁有相同想法，每一次都話苦惱，突然之間，想法竟然180度轉變，頃刻心情有點兒納悶，使所有嘢都變得疑惑…一切彷彿就像敷衍了事，係咪根本冇respect過？再度出現雙方僵持嘅局面，個request可能真係好簡單，但request嘅出發點就比較自私，而refuse嘅原因都好有point，even provide埋另類suggestion，但依然感到不滿，面對各自嘅堅持，真係難纏呢！絞盡腦汁去draft email content敍述情況，但原來…同事並沒有留意內容，明明表達得一清二楚，為何仍然需要作出查詢，簡直…久違嘅煮飯，突發性要煮之時，對procedures忘記得一乾二淨，結果搞到d味道極之懸殊，唔係無味就係過鹹，果然熟能先生巧，唔做好容易生疏。

錯處竟然緊接地出現，當場呆滯了，even係一d好minor嘅嘢，都係一種careless mistakes，去到講到出口呢個地步，証明了已經頗為嚴重，太大意了…同事特登落嚟查詢，原以為answer得正確無暇，結果…係誤會了意思，最終需同事更正...首次encounter嘅問題真係使人感到疑惑，although知道了做法，為咗徹底了解，search咗唔少info呢！下次當同事問起時，至少應該慢慢研究，始終唔係所有嘢都係如出一轍…

每個人都有獨特嘅判斷，無論判斷結果如何，其他人不可左右決定…一開始已經知道難以communicate，正正因為好minor嘅沉悶，所以渴望有另類發展，好膚淺，只係為咗解決短暫性問題，忽略了長遠需要面對嘅狀況。沉悶與否視乎角度問題，沉悶當中唔係唔可以找到樂趣…事情嘅發展亦能夠反映出心態，既然知道了睇法，就明白如何去相處，當中會稍為出現仇恨心情，但這樣只會大傷元氣，始終思想頗為subjective。

只係放左三日假，但足以令五月份頭十日只係返咗兩日工，真係誇張呢！今日心情唔多好，搞到d態度怪怪地，特別同同事講嘢時，真係好唔應該…接受現實係咪真係咁難？有d嘢唔係你就唔係你，根本不應眷戀在無謂事情上，去一個interview，只要interviewer’ perception 唔得，就算你有幾多quali都冇用，都唔會得到offer。好奇怪，點解有嘅係一種抗拒？其實問題出處不是那裡，但偏偏將所有fault歸咎於那裡，方向徹底地錯誤，每個人都有個別嘅bias，要好好作出改變呢！今日手快快delete錯咗個file，although最終係大步檻過，但呢d小事不可看輕，今次能夠補穫，係因為他人嘅小心謹慎…

終於考完試，呢幾日閉關study簡直難熬，大部份時間stay在房間，連電腦都唔敢switch on以免分心，仲特登攞大假諗住study多d就會考得好d，點知…同想像中好大分別，第一科已經感到”死亡”，之後雖然能夠暫時拋開擔憂繼續專注其他科，但考完第二科仍然覺得做得麻麻，到last果科溫習時concentrate減弱，考嘅時候極度唔夠時間，寫得勁急寫到手軟，最後十五分鐘隻右手突然痛到差d郁唔到…總括而言，對於今個semester d GPA信心不大，scaring...

首日exam，做嘅時候信心不大，對d concept有d混亂，考完離開試場同學討論答案後心知不妙，“死咗”嘅感覺從未試過那般強烈，好驚會fail…但一切已成事實，擔心實在多餘，惟有在另外兩科加把勁。刻意放假去prepare for exam，但第一科就…睇嚟係溫書方法有問題…就算資質愚笨，但可以將勤補拙，不是嗎？

明知沒有可能，為何仍沉醉於當中？無謂嘅想法係多餘，與其去諗一d不切實際嘅嘢，倒不如在當前嘅位置加倍努力，”有”純粹係一個bonus，”冇”又唔會有乜損失，更何況有得必有失，真係得到嘅時候是否真係願意呢？有d嘢唔係話嚟就嚟，even曾經被提出過，結果未必相類同，又如何呢？殺到埋身就要tackle，冇appear過就不要多想，當初選擇去相信，及後就不要質疑…

問題一而再，再而三地出現，彷彿沒完沒了般...review呢個序幕，經過一星期嘅過程，幾時才能到達終結呢？並非刻意去針對著，但因為review過，對當中嘅敏銳度會提升，繼而可能察覺平時覺得正常嘅變得不正常。不過就算覺得有問題又如何？但只要上司覺得冇問題，一切都煙消雲散，有證據不是代表有用，是否有用由判決者裁定。每次提出完問題，換來嘅係元氣大傷，完全理解唔到為何有該態度？口頭禪離不開”唔知”、”好小事”，閃避能力簡直強勁，只能感歎人嘅personality好難去轉變…

想表達呢樣，reflect咗去果樣，仲要越扯越遠，應該負責嘅唔駛involve，反而要其他人去補飛，是否有點兒本末倒置？由開始嘅緊張，到逐漸嘅鎮定，但在鎮定之時已經去到一個膠著狀態…唔係唔想作出反應，係唔知應該畀乜反應，因為好簡單經已變成好複雜，一切儼如唔講比較好。的確每個人都有獨立嘅處事方法，但…會否太離譜？難道位高權重就可以乜都唔理會？可以講出唔知個file有乜用途，會否太不負責任？一係乜事都冇，一有就搞到一大”壇”，真係多謝晒！